បរទេស៖ ក្លឹបបិសាចក្រហម Manchester United ត្រូវបានគេរាយការណ៍ថា ត្រៀមលក់កីឡាករ Jessie Lingard ហើយនិង Andreas Pereira បន្ទាប់ពីពួកគេទើបតែបញ្ចប់ការចុះកិច្ចសន្យាលើខ្សែបម្រើ Danny Van De Beek របស់ Ajax។
Jessie Lingard និង Andreas Pereira នឹងរឹតតែអស់ឱកាសក្នុងការបង្ហាញខ្លួនអោយក្រុម Man Utdនៅរដូវកាលក្រោយមែនទែន បន្ទាប់ពីការមកដល់របស់កីឡាករ Van De Beek នោះ ហើយបើយោងទៅតាមសារព័ត៍មាន Daily Mail បានអោយដឹងថាអ្នកចាត់ការទូទៅរបស់ក្លឹបបិសាចក្រហម Manchester United លោក Ole Gunnar Solskjear ពិតជាសប្បាយចិត្តខ្លាំងប្រសិនបើក្លឹបអាចលក់កីឡាករទាំង២រូបនេះ លឿនបំផុតតាមដែលអាចធ្វើទៅបាន នៅទីផ្សារដោះដូរកីឡាកររដូវក្តៅនេះ។
មូលហេតុដែលលោក Ole Gunnar Solskjear ចង់លក់ខ្សែបម្រើរបស់ខ្លួនទាំង២រូបនេះ ព្រោះតែលោកចង់ទុកកន្លែងដើម្បីនាំយកកីឡាករថ្មីៗមកជំនួសវិញ៕
ប្រភពព័ត៍មាន៖ Sportsmole
