បរទេស៖ Jesse Lingard និង Edinson Cavani នឹងវិលត្រលប់មកបង្ហាញខ្លួនសសម្រាប់ការប្រកួតក្របខណ្ឌ Premier League នៅថ្ងៃអង្គារពេលដែល Man. Utd ធ្វើដំណើរទៅសួរសុខទុក្ខក្រុមម្ចាស់ផ្ទះ Burnley នាទឹកដី Turf Moor បើតាមការបញ្ជាក់របស់គ្រូបង្វឹកក្រុមបិសាចក្រហមលោក Ralf Rangnick នៅក្នុងសន្និសីទសារព័ត៌មានមុនការប្រកួតរបស់គាត់។
ខ្សែបម្រើអន្តរជាតិអង់គ្លេសLingard បានខកខានការប្រកួតទល់នឹងក្រុម Middlesbrough នៅល្ងាចថ្ងៃសុក្រ ក្រោយពីត្រូវបានក្លឹបសម្រេចបន្តរក្សាទុករូបគេនៅទឹកដី Old Trafford ក្នុងអំឡុងពេលទីផ្សារដោះដូរកីឡាករបានបិទជាលើកទីពីរនៅចុងខែមករាកន្លងទៅ។ ទន្ទឹមនឹងនេះដែរ Cavani ដែលបានអវត្តមានសម្រាប់ការប្រកួត FA Cup ជាមួយMiddlebrough និងត្រៀមខ្លួនចូលប្រកួតក្រោយពីបញ្ចប់ការបំពេញកាតព្វកិច្ចជាមួយក្រុមជម្រើសជាតិអ៊ុយរូហ្គាយរួចមក ។
គ្រូបង្វឹកអាឡឺម៉ង់បានបញ្ជាក់ប្រាប់អ្នកយកព័ត៌មានថា: កីឡាករមានសមត្ថភាពទាំងពីររូបនេះ នឹងជាផ្នែកមួយនៃក្រុមសម្រាប់ការប្រកួត ក្រោយពីបង្ហាញខ្លួនហ្វឹកហាត់យ៉ាងល្អ។សម្រាប់ Jesse ខ្ញុំមានទំនាក់ទំនងល្អជាមួយគាត់ ខ្ញុំរីករាយណាស់ដែលមានគាត់នៅក្នុងក្រុម។ គាត់ដឹងថាខ្ញុំមិនសុខចិត្តអោយគាត់ចាកចេញ ដ៏រាបណាបញ្ហារបស់ Mason Greenwoodនៅមិនទាន់ដោះស្រាយដាច់ស្រេចជុំវិញការប្រើអំពើហឹង្សាលើមិត្តស្រីរបស់ខ្លួន។ Man United បច្ចុប្បន្នកំពុងឈរនៅលេខរៀងទី ៤ ក្នុងតារាង Premier League មាន ៣៨ ពិន្ទុក្រោយបង្ហាញខ្លួន ២២ប្រកួត ដែលមានមួយពិន្ទុនាំមុខក្រុមលេខ ៥ញញួរធំ West Ham United៕
ប្រភពព័ត៍មាន៖ Sportsmole