បរទេស៖ ក្រុម Atletico Madrid បានបញ្ជាក់ប្រាប់ជាផ្លូវការណ៏ថាខ្សែប្រយុទ្ធចាស់វស្សា Diego Costaនិងខ្សែការពារ Santiago Arias បច្ចុប្បន្នកំពុងត្រូវបានក្រុមគ្រូពេទ្យ ដាក់អោយពួកគេនៅដាច់ដោយឡែកក្នុងបន្ទប់សុវត្តិភាពឃ្លាតឆ្ងាយគ្រួសារ និង មិត្តរួមក្រុម បន្ទាប់ពីពួកគេទាំងពីរនាក់ឆ្លងកាត់ការធ្វើ តេស្តវិជ្ជមានរកឃើញមេរោគកូវីត-១៩ ដែលបានកើតមានក្នុងកំឡុងពេលសម្រាកវីស្សមកាលរដូវក្តៅ របស់ពួកគេ។
ទោះយ៉ាងណាកីឡាករទាំងពីរនាក់របស់ក្រុមលោក Diego Simeone មិនបានបង្ហាញរោគសញ្ញាអ្វីគួរកត់សម្គាល់នោះទេ មុនពេលរកឃើញមេរោគរលាកផ្លូវដង្ហើមនេះ ខណៈ ក្រៅពីរូបគេនៅក្នុងក្រុម At.Madridកីឡាករដែលត្រូវមានកាតព្វកិច្ច និងត្រូវបានកោះហៅអោយចូលលេងសម្រាប់ក្រុមជម្រើសជាតិពានរង្វាន់ Nation League នៅទ្វីបអឺរ៉ុបគឺត្រូវឆ្លងកាត់ការធ្វើតេស្ត៏រួចរាល់ផងដែរកាលពីថ្ងៃព្រហស្បតិ៍។
បើទោះបីជាលីកកំពូលអេស្បាញ La Liga បានកំនត់កាលបរិច្ឆេទ ត្រូវចាប់ផ្តើមធ្វើការប្រកួតរដូវកាលថ្មីនៅថ្ងៃសុក្រទី ១១ ខែកញ្ញា ២០២០នេះ តែក្រុម At.Madrid និងត្រូវចាប់ផ្តើមប្រកួតលើក ដំបូង នៅថ្ងៃទី២៧ ខែកញ្ញាឯណោះជាមួយនិងក្លឹប Granada៕
ប្រភពព័ត៍មាន៖ BBC