បរទេស៖ អតីតខ្សែបម្រើក្រុមម្ចាស់ជើងឯកអ៊ីតាលីរបស់ក្លឹប Juventus កីឡាករ Miranim Pjanic នមកដល់ទីក្រុង Barcelona កាលពីព្រឹកថ្ងៃព្រហស្បតិ៍បន្ទាប់ពីកីឡាករអន្តរជាតិបូស្នីរូបនេះ ត្រូវបានគេដាក់ឱ្យនៅដាច់ដោយឡែកតែឯងពីគ្នាក្រោយពីបានធ្វើតេស្ត៍រកឃើញមានមេរោគកូវីត-១៩ កាលពីថ្ងៃទី ២៣ ខែសីហាកន្លងទៅ ដែលនេះជាមូលហេតុដែលធ្វើអោយការបង្ហាញខ្លួនត្រូវបានពន្យារពេល។
ប្រភពពីគេហទំព័រ Mundo Deportivo បានចុះផ្សាយថាៈ ការបង្ហាញខ្លួនជាផ្លូវការណ៏និងត្រូវធ្វើឡើងនៅសប្តាហ៍ក្រោយ ខណៈខ្សែបម្រើរូបនេះនឹងចាប់ផ្តើមហ្វឹកហាត់តែម្នាក់ឯងនៅចុងសប្តាហ៍នេះមុនពេលត្រូវបានអនុញ្ញាតឱ្យចូលរួមហ្វឹកហាត់ជាមួយមិត្តរួមក្រុម។
ការពិត Pjanic មិនបានចូលលេងការ ប្រកួតមិត្តភាពលើកដំបូងសម្រាប់ក្លឹប ជាមួយ Nastic de Tarragona នៅថ្ងៃសៅរ៍ទី ១២ ខែកញ្ញានេះទេ។ គួរបញ្ជាក់ថា Pjanic បានផ្ទេរពីក្រុមអ្នកមានបុណ្យមកកាន់ក្លឹបស្រ្តីជរា Juventus ក្នុងតម្លៃ៦០ លានយូរ៉ូ បូករួមនិងផលប្រយោជន៏៥លានយូរ៉ូបន្ថែមទៀតដើម្បី ជាផ្នែកមួយនៃកិច្ចព្រមព្រៀងដោះដូរជាមួយខ្សែបម្រើប្រេស៊ីល Arthur៕
ប្រភពព័ត៍មាន៖ Tribuna.com
