បរទេស៖ លោក Eric Abidal មានផែនការមួយមុនពេលអ្វីគ្រប់យ៉ាងបានប្តូរផ្លាស់ហើយគាត់បានលាឈប់ពីការងារក្រោយ បរាជ័យដ៏ជូរចត់ក្នុងលទ្ធផល ៨ទល់និង២ វគ្គ ៨ក្រុមចចុងក្រោយក្របខណ្ឌ Champion League ជាមួយក្លឹប Bayern Munich ។អតីតនាយកប្រតិបត្តិផ្នែកកីឡារបស់ ក្រុមអ្នក មានបុណ្យ រូបនេះធ្លាប់មានគោលដៅចង់ពង្រឹងទម្រង់លេងនៅតំបន់ការពារខាងឆ្វេង។
អតីតខ្សែការពារក្រុមជម្រើសជាតិបារាំងវ័យ៤១ឆ្នាំរូបនេះបានសម្រេចចិត្តថាកីឡាករអេស្បាញ Junior Firpo នឹងត្រូវបានផ្លាស់ប្តូរជំនួសមកវិញ កីឡាករវ័យក្មេងពីរនាក់មកពី Ligue 1ដោយយោងគេហទំព័រ ‘L’Equipe បានចុះផ្សាយថា៖ ជម្រើសដំបូងរបស់ Abidal គឺកីឡាករ Faitout Maouassa របស់ក្លឹប Rennes ដែលធ្លាប់លេងខ្ចីជើងនៅ Nimes បាន១រដូវកាល ។
កីឡាករជម្រើសជាតិបារាំងអាយុក្រោម២១ឆ្នាំរូបនេះ លេងបាន ៣២ ប្រកួតស៊ុតបញ្ចូលទីបាន ៣ គ្រាប់និង Assist បាន ២គ្រាប់ ហើយត្រូវបានគេវាយតម្លៃថាមានតម្លៃខ្លួនប្រហែល ១២ លានផោន។ សម្រាប់គោលដៅទី ២ របស់ Abidal ប្រសិនបរាជ័យមិនបានទិញ Maouassa គឺនិងចរចារទិញយកកីឡាករ Rayan Aït-Nouri វ័យ ១៩ ឆ្នាំសញ្ជាតិបារាំងផងដែរដែលកំពុងលេងអោយ ក្រុម Angers៕
ប្រភពព័ត៍មាន៖ Sport.es