បរទេស៖ សហព័ន្ធបាល់ទាត់ស្វីសហៅកាត់ថា Swiss FA បានបញ្ជាក់ជាផ្លូវការណ៏ថាខ្សែបម្រើ Xherdan Shaqiri របស់ក្រុមហង្សក្រហមបានធ្វើតេស្តរកឃើញមេរោគកូវីត-១៩ ខណៈរូបគេត្រូវមានភារកិច្ចអោយក្រុមជម្រើសជាតិ តែបច្ចុប្បន្នកំពុងត្រូវបានដាក់អោយនៅដាច់ដោយឡែកពីគេដើម្បីសុវត្តិភាព និង ទទួលការព្យាបាល ។
កីឡាករវ័យ ២៨ ឆ្នាំរូបនេះទើបតែបានបង្ហាញខ្លួនចូលរួមការប្រកួតអោយក្រុមជម្រើសជាតិ សម្រាប់ការប្រកួតមិត្តភាព និង ការប្រកួតចុងក្រោយពានរង្វាន់ UEFA Nations League ។ ទោះយ៉ាងណារូបគេត្រូវបានគ្រូបង្វឹកលោក Vladimir Petkovic ដកឈ្មោះចេញក្រោយពីពិនិត្យលទ្ធផលរកឃើញមេរោគកូវីត-១៩នេះ។
គួរបញ្ជាក់ថាក្រុមជម្រើសជាតិស្វីសនឹងត្រូវជួបប្រកួតជាមួយម្ចាស់ជើងឯករង World Cup ២០១៨គឺក្រុមក្រឡាអុកក្រូអាតក្នុងការប្រកួតមិត្តភាពនៅថ្ងៃពុធនេះ បន្ទាប់មកពួកគេនិងត្រូវធ្វើតេស្តមុនកំណត់កាលបរិច្ឆេទការប្រកួតពានរង្វាន់ Nation Leageu ជាមួយអេស្ប៉ាញនិងអាល្លឺម៉ង់នៅពេលបន្ទាប់៕
ប្រភពព័ត៍មាន៖ Goal