បរទេស៖ កីឡាករ Nicolas Pepe បានធ្វើការសុំទោស និង សម្តែងអារម្មណ៏ សោកស្តាយយ៉ាងខ្លាំងនៅលើបណ្តាញទំនាក់ទំនងសង្គម ក្រោយរង កាតក្រហមបណ្តេញចេញក្នុងជំនួបលទ្ធផលស្មើគ្នា ០ទល់និង០ពេលរវាងក្រុមកាំភ្លើងធំ Arsenal និង Leeds United កាលពីថ្ងៃអាទិត្យ។
អតីតខ្សែបម្រើ-ប្រយុទ្ធស្លាបវ័យ ២៥ ឆ្នាំរបស់ក្លឹបLille ដែលមានតម្លៃខ្លួន៧២លានផោនរូបនេះត្រូវបានអាជ្ញាកណ្តាលបណ្តេញចេញក្រោយពីនិត្យមើលតាមប្រព័ន្ធVAR បានបញ្ជាក់ថារូបគេយកក្បាលទៅបុកនិង ខ្សែការពារស្លាប Ezgjan Alioski ។ក្រោយបញ្ចប់ការប្រកួតអ្នកចាត់ការទូទៅសញ្ជាតិអេស្បាញលោក Mikel Arteta បានធ្វើការរិះគន់ លើកូនក្រុមរបស់ខ្លួនថាជាទង្វើមិនសក្តសមជាកីឡាករអាជីព និង ជារឿងដែលមិនអាចទទួលយកបាន ។
ទោះយ៉ាងណា Pepe ទើបតែបង្ហាញខ្លួនចូលលេងបាន២ ប្រកួតនៅក្របខ័ណ្ឌ Premier League និងរកគ្រាប់បាល់បាន១គ្រាប់ហើយបង្កើតឪកាសបាន២លើកនៅរដូវកាលនេះ។ ប៉ុន្តែរដូវកាលចាស់ រូបគេរកបានគ្រាប់បាល់៨ គ្រាប់ក្នុងការបង្ហាញខ្លួន ៤២ លើកគ្រប់ក្របខណ្ឌប្រកួត៕
ប្រភពព័ត៍មាន៖ Goa.com