បរទេស៖ កាលពីថ្ងៃពុធម្សិលមិញនេះសាច់ញាតិរបស់វីរបុរសបាល់ទាត់អាហ្សង់ទីនលោក Diego Maradona បានចាប់ផ្តើមបង្កជម្លោះរវាងគ្នានិងគ្នាលើការទាមទារបែងចែកទ្រព្យសម្បត្តិដល់ទៅ១៦ចំណែកដែលជាកេរមរតករបស់លោក មានទឹកប្រាក់ប្រមាណ ៣៧ លានផោន។ អធិរាជបាល់ទាត់ដែលនាំក្រុមពពកស អាហ្សង់ទីនឈ្នះ World Cup ឆ្នាំ១៩៨៦រូបនេះបានទទួលមរណៈភាពដោយសារជំងឺគាំងបេះដូងកាលពីខែវិច្ឆិកាក្នុងវ័យ៦០ឆ្នាំនៅប្រទេសកំណើត។
ប្រភពពីគេហទំព័រ The Sun បានបញ្ចាក់ថាអតីតខ្សែប្រយុទ្ធប្រវត្តិសាស្រ្តក្រុម Napol iរូបនេះមានកូនក្នុងបន្ទុកចំនួនប្រាំនាក់ ខណៈដែលសាច់ញាតិជិតស្និទដល់ទៅ៧នាក់ជាប់សាច់ឈាមកូនស្រី Maradona ទាំង៤នាក់នោះត្រូវបានជាប់ពាកព័ន្ធនិងវិវាទបែងចែកទ្រព្យសម្បតិ្ត នេះនៅឯទីក្រុង Buenos Aires របស់ប្រទេសអាហ្សង់ទីន កាលពីយប់មិញ។
ប្រភពខាងលើបន្តថាៈឯកសារនៅឯតុលាការបានបង្ហាញអោយដឹងថា៖ “Maradona មានទ្រព្យសម្បត្តិដែលដំកល់ទុកនៅប្រទេសស្វីស, ឌូបៃនិងមាតុភូមិអាហ្សង់ទីនព្រមទាំងមានយានយន្តទំនើប ៗ ជាច្រើនផងដែរ។មរណៈភាពរបស់លោក បានបន្សល់ទុកនូវកិច្ចការជាច្រើនទៀតដែលរកចំនូលបាននោះគឺកិច្ចសន្យាផ្សាយពាណិជ្ជកម្មជាមួយម៉ាកយីហោធំ ៗ មានដូចជា Puma និង Coca Cola ជាដើម”៕
ប្រភពព័ត៍មាន៖ The Sun