បរទេស៖ អតីតវីបុរសរបស់ Everton និង Manchester United លោក Phil Neville ត្រូវបានគេរាយការណ៍ថាបានយល់ព្រមទៅដឹងនាំក្លឹបនៅឯលីគកំពូលប្រទេសអាមេរិក Major League Soccer គឺ Inter Miami របស់ David Beckham ដែលជាអតីតមិត្តរួមក្រុមរបស់ខ្លួននៅ Man Utd។
លោក Phil Neville បច្ចុប្បន្នគឺជាអ្នកចាត់ការទូទៅរបស់ក្រុមជម្រើសជាតិនារីនៃប្រទេសអង់គ្លេស ហើយរូបលោកនឹងត្រូវរៀបចំក្រុមដើម្បីត្រៀមសម្រាប់ព្រឹត្តិការណ៍ Olympics នៅប្រទេសជប៉ុនរដូវក្តៅក្នុងឆ្នាំនេះផងដែរ។ ប៉ុន្តែទោះបីជាយ៉ាងរូបលោកត្រូវគេរាយការណ៍ថាបានសម្រេចចិត្តរួចហើយថារូបលោកនឹងលាលែងពីតំណែងគ្រូបង្វឹកជម្រើសនារីក្នុងឆ្នាំនេះ។
ទោះបីជានៅមិនទាន់មានកិច្ចព្រមព្រៀងផ្លូវការណ៍ណាមួយកើតឡើងក៏ដោយ ប៉ុន្តែគេនៅតែជឿជាក់ថាកិច្ចព្រមព្រៀងនេះនឹងកើតឡើងនាពេលឆាប់ៗ ខាងមុខជាមិនខាន ហើយបើតាមសារព័ត៍មាន 90min បានបញ្ចាក់ថា David Beckham និងដៃគូសហការនានានៃក្លឹប Inter Miami បានយល់ព្រមគ្នារួចរាល់ហើយ អំពីការតែងតាំងលោក Phil Neville ធ្វើជាគ្រូបង្វឹកថ្មីរបស់ក្លឹប៕
ប្រភពព័ត៍មាន៖ 90min