បរទេស៖ អ្នកចាំទី Thibaut Courtois របស់ក្រុមអធិរាជស Real Madrid បានរិះគន់សហព័ន្ធបាល់ទាត់អេស្បាញពិសេសគឺ គណកម្មការប្រកួតលីកកំពូល La Liga បន្ទាប់ពីមិនព្រម សម្រេចចិត្តផ្អាកការប្រកួតរបស់ពួកគេជាមួយក្រុម ម្ចាស់ផ្ទះ Osasuna កាលពីថ្ងៃសៅរ៏នៅកីឡាដ្ឋាន កីឡដ្ឋាន El Sadar។
អ្នកចាំទីអន្តរជាតិបែលហ្សិកវ័យ បានប្រាប់ Movistar យ៉ាងដូច្នេះថា៖ “ខ្ញុំចង់អរគុណដល់ប្រិយមិត្តគាំទ្រ និងប្រជាជន Osasuna ដែលមានទីលានបែបនេះ។ ប៉ុន្តែវាជារឿងអកុសលអ្វីដែលឡាលីហ្គាបានសម្រេចបន្តការប្រកួត យើងដឹងថាមានលក្ខខណ្ឌអ្វីខ្លះយើងអាចលេង និងមិនអាចលេងបាន”។ ប្រទេសអេស្បាញបានទទួលរងព្យុះ Fiomena ដែលបានបោកបក់លើប្រទេស អេស្ប៉ាញខណៈការប្រកួតផ្សេងទៀតគឺ Atletico Madrid ជាមួយ Athletic Bilbao ត្រូវបានពន្យារពេលបន្ទាប់ពីមានខ្យល់ខ្លាំង ព្រមជាមួយព្រិលទឹក ទឹកកកធ្លាក់ ពេញកីឡាដ្ឋានប្រកួត។
ទោះយ៉ាងណាការប្រកួតរបស់ក្រុមការពារតំណែងជើងឯក La Liga បានចាប់ផ្តើមខណៈ Real Madrid មិនអាចធ្វើអ្វី ក្រុម Osasuna បានដោយទទួលលទ្ធផលស្មើគ្នា០ទល់និង០ ហើយលទ្ធផលនេះផងដែរនាំអោយក្រុមលោក Zinedine ZXidane ខកខានឱកាសឡើងទៅឈរនៅលើកំពូលតារាង La Liga។ បច្ចុប្បន្ នReal Madrid មានគម្លាតត្រឹមតែ១ពិន្ទុពីក្រុមកំពូល តារាង At Madrid គិតត្រឹមសប្តាហ៏ទី១៨ខណៈក្រុមលោក Diego Simeone មាន៣ប្រកួតនៅក្នុងដៃ៕
ប្រភពព័ត៍មាន៖ Sportsmole