បរទេស៖ ខ្សែបម្រើ Fred របស់ក្រុមបិសាចក្រហម Man Utd បានរងពាក្យពេចន៏ជេប្រមាថ និងរំលោភបំពានលើការរើសអើងជាតិសាសន៍តាមរយៈបណ្តាញសង្គម Instagram កាលពីថ្ងៃអាទិត្យ ក្រោយពី Man Utd បានធ្លាក់ចេញពីវគ្គ៨ក្រុមចុងក្រោយពានរង្វាន់ដ៏ចំណាស់អង់គ្លេស FA Cup។
កីឡាករវ័យ ២៨ ឆ្នាំរូបនេះបានបង្កកំហុស ដែលបានធ្វើអោយកីឡាករ Iheanacho រកបានគ្រាប់បាល់បើកឆាកដំបូង ខណៈបញ្ចប់ការប្រកួត Leicester City ៣-១ Man Utd។ មិនត្រឹមតែ Fred នោះទេ កន្លងមកកីឡាករ Man Utd ៣នាក់មកហើយ ដែលធ្លាប់បានទទួលរងការជេប្រមាថបែបនេះ Marcus Rashford និង Anthony Martial ព្រមទាំងកីឡាករ Axel Tuanzebe គឺធ្លាប់រងការវាយប្រហារបែបនេះនាពេលកន្លងមកផងដែរ។
យ៉ាងណាមិញក្លឹប Man Utd បានចេញសារថ្កោលទោសការរំលោភបំពានរើសអើងជាតិសាសន៏នេះដោយចាត់ទុកវាថាគឺជាគំនិតយល់ឃើញដ៏ឆ្កួតលីលាបំផុត៕
ប្រភពព័ត៍មាន៖ BBC