បរទេស៖ អ្នកចាំទី Marc-Andre ter Stegen របស់ក្រុមអ្នកមានបុណ្យបាសេឡូណានិងត្រូវបានអវត្តមានពីការប្រកួតEuro ឆ្នាំ ២០២០ ស្របពេលដែលរូបគេត្រៀមនិងធ្វើការវះកាត់របួសជង្គង់ក្នុងពេលឆាប់ៗនេះ។
កីឡាករវ័យ ២៩ ឆ្នាំនិងជាជម្រើសដៃទី២បន្ទាប់ពី Manuel Neuerក្រោមការដឹកនាំរបស់លោក Joachim Lowe បានចូលលេង ៩០ នាទីពេញក្នុងពេលបរាជ័យក្រោមថ្វីជើង Celta Vigo ក្នុងលទ្ធផល ២ទល់និង១កាលពីថ្ងៃអាទិត្យនិងជាការ បញ្ចប់ក្តីសង្ឃឹមប្រជែងពាន La Liga របស់ក្រុមនៅរដូវកាលនេះបាត់ទៅហើយ។ក្រុមលោក Ronald Koeman នៅមានការប្រកួតមួយលើកទៀតជាមួយ Eibarពេលបិទបញ្ចប់រដូវកាល ប៉ុន្តែ Ter Stegen នឹងមិនចូលរួមនៅក្នុងការប្រកួតនោះទេបន្ទាប់ពីកីឡាករអន្តរជាតិអាឡឺម៉ង់រូបនេះនិងត្រូវត្រៀមវះកាត់នៅសប្តាហ៏ទី៣នៃខែឧសភានេះ ។
អតីតកីឡារករក្រុម Moncheng Gladbach បានសរសេររៀបរាប់នៅលើបណ្តាញសង្គម Instagram ថា «ខ្ញុំបានសំរេចចិត្តរួមគ្នាជាមួយក្រុមគ្រូពេទ្យរបស់ក្លឹបដើម្បីធ្វើការវះកាត់លើជង្គង់របស់ខ្ញុំ។ វាពិតជារឿងគួរអោយសោកសៅបំផុតដែលខ្ញុំមិនអាចចូលរួមព្រឹត្តការណ៏ Euro ២០២០នេះបាន។ ហើយវាជាលើកដំបូងក្នុងរយៈពេលច្រើនឆ្នាំសម្រាប់ការវះកាត់លើបញ្ហារបួសនេះហើយខ្ញុំនឹងខកខានដោយសម្រាកនៅផ្ទះដើម្បីគាំទ្រការប្រកួតសម្រាប់ប្រទេសកំណើត។ ហើយសង្ឃឹមថានឹងអាចចូលលេងនៅមុខអ្នកគាំទ្រម្តងទៀតនៅពេលខ្ញុំត្រឡប់មកវិញសូមអរគុណចំពោះការគាំទ្ររបស់អ្នកក្នុងរដូវដ៏លំបាក និងសូមថែរក្សាខ្លួនឯងអោយបានល្អបងប្អូន»។ Ter Stegen បានបញ្ចប់យុទ្ធនាការរដូវកាល ២០២០-២០២១ នេះដោយរារាំងមិនអោយគូប្រកួតស៊ុតបញ្ចូលទីរៀងរាល់ការប្រកួត១៤ដង( Cleansheet) ក្នុង ៤២ លើកនៅគ្រប់ក្របខណ្ឌប្រកួតទាំងអស់ ។ សម្រាប់ជម្រើសជាតិរូបគេធ្លាប់បានចូលលេង ២៥ ដងក្រោយពីបង្ហាញខ្លួនលើកដំបូងនៅឆ្នាំ ២០១២៕
ប្រភពព័ត៍មាន៖ Sportsmole
