បរទេស៖ Bayern Munich មានគម្រោងនាំយកអ្នកចាំទីដៃទីមួយរបស់ក្រុម Barcelona កីឡាករ Marc-Andre ter Stegen មកកាន់ទឹកដី Allianz Arena នាពេលខាងមុខនេះ។
ជាមួយនឹងបញ្ហាហិរញ្ញវត្ថុកំពុងប្រឈម ក្លឹបយក្សកាតាឡាន់បានកំពុងប្រឈមនិងបញ្ហាកាន់តែស្មុគស្មាញក្រោយធ្លាក់ចេញពី ក្របខ័ណ្ឌ Champions League ដូច្នេះក្លឹបមានបំណងចង់លក់ Ter Stegen នៅឆ្នាំ ២០២២ខាងមុខនេះ ។កីឡាករអន្តរជាតិអាឡឺម៉ង់រូបនេះក៏មានទំនាក់ទំនងក្នុងការផ្លាស់ទៅកាន់ក្លឹបសារិកាព្រៃ Newcastle United ផងដេរ។ យោងគេហទំព័រ El Nacional បានចុះផ្សាយថាៈ Bayern Munich កំពុងរៀបចំផែនការសម្រាប់ក្លឹបក្រោយ ពីកីឡាករ Manuel Neuer ឈានចូលវ័យ ៣៦ ឆ្នាំក្នុងខែមីនា ស្របពេលកិច្ចព្រមព្រៀងរបស់កីឡាករក្រុមជម្រើសជាតិឥន្រ្ទីយ៏ដែកអាឡឺម៉ង់ ជាមួយក្លឹប រហូតដល់ឆ្នាំ២០២៣ឯណោះ ។
ទោះយ៉ាងណាការដេញថ្លៃលើកដំបូង ក្នុងតម្លៃ ៣០ លានអឺរ៉ូ តែត្រូវBarcelona ច្រានចោល ខណៈដែលក្រុម លោកXavi Hernandez ត្រូវការប្រមាណជា ៤០ លានអឺរ៉ូ ។Ter Stegen ធ្វើបាន Clean Sheet ត្រឹមតែ ៣ ដងប៉ុណ្ណោះក្នុង ១៤ ប្រកួតនៅក្របខណ្ឌ La Liga រដូវកាលនេះដោយមានសុពលភាពកុងត្រារហូតដល់ឆ្នាំ២០២៥ឯណោះ៕
ប្រភពព័ត៍មាន៖ Sportsmole