បរទេស៖ Marco Reus និងមិនមានវត្តមានសម្រាប់ការប្រកួតពានរង្វាន់ទ្វីបអឺរ៉ុបឆ្នាំ២០២០ចាប់ពីថ្ងៃទី១១មិថុនាដល់ថ្ងៃទី១១កក្កដា២០២១ខាង មុខនេះទេ ដោយយោងតាមការប្រកាសជាផ្លូវការណ៏របស់សហព័ន្ធបាល់ទាត់ក្រុមឥន្រ្ទីយ៏ដែកអាឡឺម៉ង់នៅថ្ងៃពុធនេះ ។ ប្រធានក្រុម Borussia Dortmund វ័យ ៣១ ឆ្នាំរូបនេះផងដែរបានបញ្ជាក់ថារូបលោក ត្រូវការពេលវេលាសម្រាកកំលុងវិស្សមកាល រដូវ ក្តៅ ដើម្បីធ្វើអោយបញ្ហារបួសបានវិលត្រលប់មកជាសះស្បើយនិងរឹងមាំឡើងវិញខណៈដែលខ្លួនបានពិភាក្សាគ្នាយ៉ាងល្អិតល្អន់ ជាមួយ គ្រូ បង្វឹកលោកJoachim Loew មុនពេលធ្វើការសម្រេចចិត្តនេះឡើង។
Reusគឺជាកីឡាករទី២ បន្ទាប់ពីមិត្តរួមជាតិនិងជាអ្នកចាំទី Marc-Andre ter Stegen របស់ Barcelona បានដកខ្លួនចេញដោយ ត្រៀមវះកាត់បញ្ហារបួសកាលពីថ្ងៃច័ន្ទ ។ទោះបីជាឆ្លងកាត់បញ្ហារបួសញំញីនៅរដូវកាលនេះប៉ុន្តែ Reusនៅតែបង្ហាញទម្រង់លេងយ៉ាង ល្អនៅប៉ុន្មានសប្តាហ៍ថ្មីៗនេះ ដោយជួយអោយ Dortmund ឈ្នះការប្រកួត Bundesliga ចំនួន ៦ លើកចុងក្រោយ ដើម្បីមាន ឪកាសទៅលេងនៅក្របខ័ណ្ឌ Champions League និងផ្តួលRB Leipzigវគ្គផ្តាច់ព្រ័ត្រ German Cupផងដែរ ។ សរុបទៅ Reus បានខកខានបង្ហាញខ្លួនព្រឹត្តការណ៏ធំៗជាលើកទី៣ក្រោយអវត្តមាន World Cup ឆ្នាំ ២០១៤ ពេលអាឡឺម៉ង់ឈ្នះជើងឯកនិងព្រឹត្តការណ៏ Euro២០១៦។
អវត្តមានរបស់Reusនាពេលនេះអាឡឺម៉ង់និងត្រៀមដាក់ជំនួសមកវិញដោយកីឡាករ Kai Havertz របស់ Chelsea រួមទាំងកីឡាករបីរូបរបស់ Bayern Munich គឺជាជម្រើសនោះគឺ Leroy Sane, Serge Gnabry និង Thomas Mueller ។ សម្រាប់គ្រូបង្វឹកលោកJoachim Lowe វ័យ៦១ ឆ្នាំនឹងលាឈប់ពីតំណែងក្រោយពីដឹកនាំអាឡឺម៉ង់ ១៥ ឆ្នាំកន្លងមក ខណៈអាឡឺម៉ង់ ស្ថិតក្នុងពូលជាមួយ បារាំង, និងក្រុមការពារតំណែងជើងឯកព័រទុយហ្កាល់ព្រមទាំងហុងគ្រី៕
ប្រភពព៍ត៍មាន៖ Besoccer
