បរទេស៖ ក្លឹប Aston Villa បានផ្តួលគូប្រជែង Arsenal ក្នុងការចរចារចុះហត្ថលេខានាំយកខ្សែបម្រើ Norwich កីឡាករ Emiliano Buendia ក្នុងតម្លៃ នៃកិច្ចព្រមព្រៀងប្រមាណ៣៥លានផោនស្មើនិង (៥០លានដុល្លា)។ កីឡាករវ័យ ២៤ ឆ្នាំដែលទើបតែបង្ហាញខ្លួនសម្រាប់ក្រុមឈុតធំ ជម្រើសជាតិអាហ្សង់ទីនជាលើកដំបូងកាលពីពេលថ្មីៗនេះ គឺជាកីឡាករដែលមានទម្រង់លេងគួរអោយចាប់អារម្មណ៏បន្ទាប់ពីរូបគេផ្ទេរ មកចូលរួមជាមួយNorwich នៅក្របខណ្ឌ Championship កាលពីឆ្នាំ ២០១៨ ពីក្លឹប Getafe។
Buendia ក៏បានដើរតួនាទីសំខាន់ផងដែរដោយរដូវកាលចាស់បានជួយអោយNorwichក្លាយជាជើងឯកលីកលំដាប់ទី២អង់គ្លេសមួយនេះ និង បានជួយអោយក្រុមមានឪកាស វិលត្រលប់មកលេងនៅលីកលំដាប់កំពូលវិញសាជាថ្មីក្រោយធ្លាក់ទៅកាលពីឆ្នាំចាស់។
ទោះយ៉ាងណាគេនៅមិនទាន់ដឹងពត៌មានលំអិតថា Arsenal បានដាក់សំណើរដេញថ្លៃយក Buendia ក្នុងតម្លៃប៉ុន្មាននៅឡើយទេ ខណៈ ដែលAston Villa បានរៀបចំឯកសារជាលើកចុងក្រោយដើម្បីចុះកុងត្រាកីឡាកររូបនេះដែលគ្រោងនឹងប្រកាសជាផ្លូវការណ៏នៅថ្ងៃអាទិត្យ ខាងមុខនេះ៕
ប្រភពព័ត៍មាន៖ Goal