បរទេស៖ អតីតគ្រូបង្វឹក Liverpool និង Chelsea លោក Rafael Benitez បានយល់ព្រមលើកិច្ចព្រមព្រៀងជាអ្នកចាត់ការថ្មីរបស់ក្លិប Everton លើកិច្ចសន្យារយៈពេល ៣ ឆ្នាំ។គួរបញ្ជាក់ថាគ្រូបង្វឹកសញ្ជាតិអេស្បាញវ័យ ៦១ ឆ្នាំរូបនេះបានមិនមានក្លឹបដឹកនាំ ក្រោយ ចាប់តាំងពីចាកចេញពីតួនាទីគ្រូបង្វឹកក្លឹប Dalian Professional នៅលីកកំពូលចិនកាលពីខែមករាក្រោយដឹកនាំក្រុម ឈ្នះ ១២ ដងក្នុងចំណោម ៣៨ ប្រកួត។រីឯEverton វិញក៏បានសម្លឹងរកគ្រូបង្វឹកថ្មី ក្រោយពីអ្នកចាត់ការសញ្ចាតិអ៊ីតាលីលោក Carlo Ancelotti ដើម្បីវិលត្រលប់ទៅកាន់ ទឹកដីSantiago Bernabeu របស់ក្រុមអធិរាជស Real Madrid វិញ។ ក្រុមEverton ក៏ធ្លាប់បានទាក់ទងជាមួយអតីតគ្រូបង្វឹកលោក Nuno Espirito Santo មុនពេលការពិភាក្សាជាមួយលោកBenitezបានវិវឌ្ឍទៅមុខគួរកត់សម្គាល់។
យោងគេហទំព័រ BBC Sport បានលើកឡើងថា ក្លឹបដែលមានកីឡាដ្ឋានឈ្មោះGoodision Park នៅទីក្រុងLiverpoolភាគខាងជើងឈៀងខាងលិចចក្រភពអង់គ្លេស បានឈានដល់កិច្ចព្រមព្រៀងមួយជាមួយលោក Benitezនិង កំពុងត្រៀមវិលត្រឡប់មកកាន់ក្របខណ្ឌ Premier League ក្រោយចាកចេញពីក្រុមសារិកាព្រៃNewcastle United ក្នុងឆ្នាំ ២០១៩ ។
ប្រភពខាងលើបន្តថាលោកBenitezបានពិភាក្សាគ្នាជាមួយម្ចាស់ក្លឹបលោក Farhad Moshiri បើទោះបីជាការតែងតាំងដល់តួនាទីជាអ្នកចាត់ការទូទៅរបស់គាត់បានជួប ប្រទះនឹងភាពប្រទូសរ៉ាយខណៈដែល ប៉ូលីសកំពុងតែធ្វើការស៊ើបអង្កេតលើបដាដែលអ្នកគាំទ្រមួយចំនួនប្រឆាំងនឹងលោក Benitez ដែលបានកើតមានឡើងនៅក្បែរកន្លែង(ផ្ទះ)របស់គាត់ស្នាក់នៅនាពេលថ្មីៗនេះ។គួររំលឹកថាលោកBenitez ធ្លាប់ឈ្នះពានFA Cup, Champions League, Europa League, La Liga និង Coppa Italia ក្នុងអំឡុងពេលដឹកនាំក្លឹបធំៗកន្លងមកក៏ ជាបេក្ខភាពសម្រាប់ទំនេរនៅ Tottenham Hotspur ផងដែរ៕
ប្រភពព័ត៍មាន៖ BBC Sport