បរទេស៖ ដំណាក់កាលទី១នៃការប្រកួតជម្រុះនៅតំបន់អឺរ៉ុប សម្រាប់ព្រឹត្តិការណ៍ World Cup នៅឆ្នាំក្រោយ នឹងបញ្ចប់នៅសប្តាហ៍ក្រោយ ស្របពេលដែលព័រទុយហ្គាល់ អេស្ប៉ាញ អ៊ីតាលី និងហូឡង់ សុទ្ធសឹងស្ថិតក្នុងចំណោមក្រុមដែលត្រូវជួបការប្រកួតដ៏សំខាន់ ក្នុងការប្រជែងដើម្បីឈ្នះកៅអីទៅកាន់ប្រទេសកាតា។
ក្រុមឈរលេខក្នុងពូលទាំង១០ នឹងឈ្នះសិទ្ធិទៅប្រកួតកីឡាបាល់ទាត់ពិភពលោក ដែលនឹងប្រព្រឹត្តទៅនៅថ្ងៃទី២១ ខែវិច្ឆិកា ឆ្នាំ២០២២។ ក្រុមដែលបញ្ចប់ក្នុងចំណាត់ថ្នាក់លេខ២ នឹងមានឱកាសមួយផ្សេងទៀតដើម្បីទៅជុំផ្តាច់ព្រ័ត្រ តាមរយៈការប្រកួតជម្រុះ Playoff នៅខែមីនា ឆ្នាំក្រោយ។ អេស្ប៉ាញ ដែលជាជើងឯកឆ្នាំ២០១០ ត្រូវធ្វើការងារជាច្រើនទៀតដើម្បីឆ្លងឲ្យផុតពូល B ដោយក្រុមរបស់លោក Luis Enrique កំពុងតែស្ថិតក្នុងចំណាត់ថ្នាក់លេខ២ ដោយតាមពីក្រោយក្រុមកំពុងនាំមុខស៊ុយអែត ២ពិន្ទុ។ ពួកគេនឹងត្រូវធ្វើដំណើរទៅជួបក្រុមក្រិក នៅរាត្រីនេះ ក្រោយពីបានទទួលលទ្ធផលស្មើ ១-១ ក្នុងពេលក្រុមទាំង២បានជួបគ្នាកាលពីខែមីនា។
Image processed by CodeCarvings Piczard ### FREE Community Edition ### on 2019-06-11 13:45:45Z | http://piczard.com | http://codecarvings.comÿHß2d
ពូលនេះ នឹងត្រូវកាត់សេចក្តី នៅពេលដែលអេស្ប៉ាញ ធ្វើជាម្ចាស់ផ្ទះទទួលក្រុមស៊ុយអែត ក្នុងទីក្រុង Seville នៅរាត្រីថ្ងៃអាទិត្យ។ ដោយឡែក ក្រុមម្ចាស់ជើងឯកទ្វីបអឺរ៉ុប អ៊ីតាលី នឹងត្រូវជួបក្រុមខ្លាំង ស្វ៊ីស ដែលមាន១៤ពិន្ទុដូចគ្នា នៅរាត្រីនេះ ស្របពេលនៅសល់ការប្រកួតតែ២លើកទៀតប៉ុណ្ណោះ។ ក្រុមដែលឈ្នះក្នុងការប្រកួតនេះ នឹងត្រូវការត្រឹមតែ១ពិន្ទុប៉ុណ្ណោះក្នុងការប្រកួតជម្រុះចុងក្រោយរបស់ពួកគេ ខណៈដែលអ៊ីតាលី នឹងត្រូវទៅជួបអៀរឡង់ខាងជើង នៅថ្ងៃចន្ទ ហើយ ស្វ៊ីស ធ្វើជាម្ចាស់ផ្ទះទទួលក្រុមប៊ុលហ្គារី៕
ប្រភពព័ត៌មាន៖ Channel News Asia
