បរទេស៖ លោក Xavi Hernandez គ្រូបង្វឹករបស់ក្រុម Barcelona បានបញ្ជាក់កាលពីថ្ងៃចន្ទថា លោកពេញចិត្តនឹងបញ្ហាប្រឈមក្នុងពេលប៉ះជាមួយនឹងក្រុម Benfica ក្នុងការប្រកួតក្របខ័ណ្ឌ Champions League ខណៈដែលពួកគេសម្លឹងរកការសងសឹកចំពោះការចាញ់របស់ពួកគេក្រោមស្នាដៃរបស់ក្រុមព័រទុយហ្គាល់មួយនេះ ក្នុងទីក្រុង Lisbon កាលពីជើងមុន។
ការដណ្តើមបានជ័យជម្នះនៅរាត្រីនេះ នឹងជួយឲ្យ Barcelona ឈានទៅវគ្គ១៦ក្រុមចុងក្រោយនៃក្របខ័ណ្ឌកំពូលអឺរ៉ុប ខណៈនៅសល់១ប្រកួតក្នុងដៃ បើទោះបីចាប់ផ្តើមយ៉ាងត្រដាបត្រដួស បន្ទាប់ពីចាញ់ទាំងក្រុម Bayern Munich និង Benfica ក្នុងលទ្ធផល ៣-០។ ក្រោយពីក្រុម Barcelona បានផ្តួលក្រុម Espanyol ក្នុងលទ្ធផល ១-០ ក្នុងការប្រកួតបើកឆាករបស់លោកក្នុងនាមជាគ្រូបង្វឹក ដើម្បីឡើងទៅឈរក្នុងចំណាត់ថ្នាក់លេខ៦ លោក Xavi បាននិយាយកាលពីថ្ងៃចន្ទថា៖ «យើងមិនអាចព្រងើយកន្តើយនឹងគោលការណ៍របស់យើងបានឡើយ»។
Xavi បានប្រាប់អ្នកយកព័ត៌មានថា៖ «ខ្ញុំមើលឃើញឱកាសមួយ ដោយគ្មានសម្ពាធឡើយ។ កីឡាបាល់ទាត់តែងតែផ្តល់ឲ្យអ្នកនូវការប្រកួតម្តងទៀត។ យើងគឺជាក្រុម Barca ហើយយើងនឹងប្រយុទ្ធដល់ទីបំផុត។ ខ្ញុំចូលចិត្តការប្រជែងបែបនេះ»៕
ប្រភពព័ត៌មាន៖ Reuters
