បរទេស៖ Aston Villa កំពុងតាមដានពីស្ថានភាពរបស់កីឡាករ Philippe Coutinho ខណៈ Barcelona កំពុងព្យាយាមមលក់រូបគេចេញពីទឹកដី Nou Camp ។
ខ្សែបម្រើអន្តរជាតិប្រេស៊ីលវ័យ២៩ ឆ្នាំរូបនេះ ហាក់បីដូចជាអស់សង្ឃឹមក្នុងការបន្តអាជីពជាមួយក្លឹបយក្សកាតាឡាន់ ក្រោយពីពួកគេបានចុះហត្ថលេខានាំយកខ្សែប្រយុទ្ធអន្តរជាតិអេស្បាញ Ferran Torres ពីក្លឹបមេឃខៀវ Manchester City ក្នុងតម្លៃ ៥៥ លានផោន។ អ្នចកាត់ការទូទៅលោក Steven Gerrard គឺជាបុគ្គលម្នាក់ដែលបានកោតសរសើរពីសមត្ថភាពរបស់ Coutinho កំលុងពេលលេងរួមគ្នានៅLiverpoolនិងស្ទើរតែឈ្នះពាន Premier League កាលពីឆ្នាំ២០១៤។
ក្រោពី Aston Villa នៅមានក្លឹបធំៗនៅអង់គ្លេសមានដូចជា Arsenal, Everton, Newcastle United និង Spurs កសម្តែងការចាប់អារម្មណ៏ផងដែរ។ Coutinhoមានបំណងចង់កសាងកេរ្ត៏ឈ្មោះឡើងវិញ បន្ទាប់ពីរងរបួសនិងមិនទទួលបានលទ្ធផលជាផ្លែផ្កាក្រោយចាកចេញពី Liverpool ក្នុងតម្លៃ ១៤២ លានផោននៅខែមករា ឆ្នាំ ២០១៨ ទោះបីជាបានឈ្នះពានរង្វាន់ Champions League ក្នុងឆ្នាំ ២០២០ពេលលេងខ្ចីជើង នៅ Bayern Munich ក៏ដោយ៕
ប្រភពព័ត៍មាន៖ BBC
