បរទេស៖ Marco Asensio បានវិលត្រលប់មកហ្វឹកហាត់វិញហើយជាមួយក្រុមអធិរាជស Real Madrid កាលពីថ្ងៃពុធ ខណៈខ្សែបម្រើ-ប្រយុទ្ធស្លាបអេស្ប៉ាញរូបនេះកំពុងតែធូរស្បើយពីបញ្ហារបួសសាច់ដុំ។ Asensio បានខកខានការប្រកួតបីលើកចុងក្រោយ ជាមួយនឹងការជួបបញ្ហារបួសខាងលើនេះ ក្នុងអំឡុងពេលប្រកួតពាក់កណ្តាលផ្តាច់ព្រ័ពានរង្វាន់ Spanish Super Cup ទល់នឹង Barcelona នៅថ្ងៃទី ១២ ខែមករា២០២១កន្លងទៅ។
ប្រភពពីគេហទំព័ឬ Marca បានចុះផ្សាយថាកីឡាករដែលមានជំនាញជើងឆ្វេងរូបនេះនិងអាចចូលលេងក្នុង វត្ត១/៤ ផ្តាច់ព្រ័ត្រ Copa del Rey ជាមួយ Athletic Bilbao នៅថ្ងៃទី ៣ ខែកុម្ភៈខាងមុខនេះ។ក្រៅពីAsensio នៅមាន Jesus Vallejo ក៏បង្ហាញវត្តមានរួមគ្នាជាមួយ Karim Benzema, Luka Modric, Ferland Mendy, Dani Carvajal, Thibaut Courtois និង Mariano Diaz ។
Asensio បានដើរតួនាទីជាសមាជិកដ៏សំខាន់សម្រាប់ក្រុមកំពុងនាំមុខតារាង La Liga ដោយ ស៊ុតបញ្ចូលទីបាន៧ ដង និងបញ្ជូនបាល់ឱ្យមិត្តរួមក្រុមស៊ុតបញ្ចូលទីបាន ១ ដងក្នុងការបង្ហាញខ្លួន ២៣ លើកគ្រប់ការប្រកួតទាំងអស់។កីឡាករវ័យ ២៦ ឆ្នាំរូបនេះមានទំនាក់ទំនងលើការចាកចេញពី Santiago Bernabeu កាលពីដើមរដូវកាលនេះ ប៉ុន្តែការវិលត្រលប់មកដឹកនាំរបស់គ្រូបង្វឹកអន្តរជាតិអ៊ីតាលី Carlo Ancelotti ធ្វើអោយ Asensio បង្ហាញខ្លួនក្នុងជម្រើស១១នាក់បានទៀងទាត់វារលែងតែរូបគេជួបករណីរបួសខាងលើប៉ុណ្ណោះ៕
ប្រភពព័ត៍មាន៖ Sportsmole