បរទេស៖ លោក Frank Lampard អ្នកចាត់ការទូទៅរបស់ក្លិប Everton បានបញ្ជាក់ថា វាជារឿងដែលឥតប្រយោជន៍ «ក្នុងការយកចិត្តទុកដាក់» ទៅលើបុគ្គលិកលក្ខខណ្ឌៈផ្ទាល់ខ្លួនដូចជា Dele Alli ក្រោយពីកីឡាករថ្មីរបស់លោក ត្រូវបានគេរិះគន់ ទៅលើការស្លៀកពាក់របស់គេ អំឡុងពេលនៃការបង្ហាញមុខដល់អ្នកគាំទ្រ។
លោក Glenn Hoddle អតីតគ្រូបង្វឹកនៃក្រុមជម្រើសជាតិអង់គ្លេស បាននិយាយថា កីឡាកររូបនេះ ហាក់ដូចជាទើបតែត្រូវបានគេហូសតាមដងផ្លូវអ៊ីចឹង នៅពេលដែលរូបគេត្រូវបានណែនាំទៅកាន់អ្នកគាំទ្រ នៅតង់ទី១ ក្នុងពេលក្រុម Everton បានយកឈ្នះលើក្រុម Brentford ក្នុងលទ្ធផល ៤-១ នាការប្រកួតពាន FA Cup នៅកីឡដ្ឋាន Goodison Park កាលពីថ្ងៃសៅរ៍។ ប៉ុន្តែ ទោះបីជាយ៉ាងណា លោក Lampard គ្រូបង្វឹកថ្មីរបស់ក្លិប Everton បានឲ្យកីឡាករប្រកាន់ជំហរដោយខ្លួនឯង និងបង្ហាញពីចរិតលក្ខខណៈរបស់ខ្លួន។
អតីតអ្នកចាត់ការទូទៅរបស់ក្លិប Chelsea រូបនេះបានឲ្យដឹងថា៖ «ខ្ញុំបានឮនូវប្រតិកម្មមួយចំនួន ហើយខ្ញុំមានការគោរពគ្រប់គ្នា ទាំងអស់ដែលបាននិយាយ អតីតកីឡាករ មនុស្សដែលខ្ញុំគោរព និងសរសើរទៅលើលោក Ally McCoist, Alan Brazil, Glenn Hoddle ហើយខ្ញុំមិនប្រឆាំងនឹងពាក្យសម្តីរបស់ពួកគាត់ឡើយ»៕
ប្រភពព័ត៌មាន៖ Channel News Asia
