បរទេស៖ ក្រុម Rangers បានបំបាក់មុខក្រុម Borussia Dortmund តាមរយៈការរយៈការយកឈ្នះក្នុងលទ្ធផល ៤-២ ក្នុងការប្រកួតក្របខ័ណ្ឌ Europa League កាលពីថ្ងៃព្រហស្បតិ៍ ស្របពេលដែលក្រុម Barcelona ត្រូវតែធ្វើការវាយបកដើម្បីទទួលបានលទ្ធផលស្មើ ១-១ នៅលើទឹកដីខ្លួនឯង ពេលប្រកួតជាមួយនឹងក្រុម Napoli ក្នុងការប្រកួតជើងទី១ របស់ពួកគេ។
នៅលើទឹកដីឯណោះវិញ James Tavernier បានជួយឲ្យក្រុម Rangers រកបានគ្រាប់បាល់នាំមុខតាមរយៈគ្រាប់បាល់ប៉េណាល់ទីនៅនាទី ទី៣៨ ក្រោយពីកីឡាករ Dan-Axel Zagadou បានធ្វើឲ្យបាល់ប៉ះដៃ។ រយៈពេល៣នាទីក្រោយមក ក្រុម Dortmund បានរបូតគ្រាប់បាល់ម្តងទៀត ដោយសារតែការទាត់បាល់ចេញពីជ្រុងរបស់ Rangers ដែលបានបន្ថែម២គ្រាប់ទៀតនៅតង់ទី២ នៅមុនពេលក្រុមម្ចាស់ផ្ទះបានវាយបក២គ្រាប់វិញ។
ដោយឡែក ក្រុម Napoli ដែលកំពុងតែប្រជែងដណ្តើមពាន Serie A បានរកគ្រាប់បាល់បើកឆាកមុននាកីឡដ្ឋាន Nou Camp នៅពេលប្រកួតជាមួយនឹងក្រុមម្ចាស់ផ្ទះ ដែលកំពុងតែប្រជែងយកកៅអីលេខ៤ នៅលើតារាងក្របខ័ណ្ឌ La Liga។ ប៉ុន្តែ ក្រុម Barcelona បានដាក់សម្ពាធវិញ មុននឹងពួកគេបានទទួលបាល់ប៉េណាល់ទី ដើម្បីរកគ្រាប់បាល់តាមស្មើ៕
ប្រភពព័ត៌មាន៖ Channel News Asia
