បរទេស៖ ក្រុមបិសាចក្រហម Man Utd មានទំនុកចិត្តក្នុងការនាំយកគ្រូបង្វឹក កំពូងដឹកនាំ Leicester City លោក Brendan Rodgers មករួមក្រុមពួកគេនាពេលខាងមុខនេះ ។បច្ចុប្បន្នលោក Ole Gunnar Solskjaer នៅតែបន្តដឹកនាំក្លឹបទោះបីបរាជ័យកាលពីសប្តាហ៏ទី១១ជាមួយក្រុម Manchester City ខណៈដែលគ្រូបង្វឹកសញ្ជាតិន័រវេរូបននេះនៅបន្តដឹកនាំក្រុមសម្រាប់ការប្រកួតក្របខ័ណ្ឌ Premier League នៅចុងសប្តាហ៍ក្រោយជាមួយនឹងក្រុម Watford បន្តទៀត។
ប្រភពពីគេហទំព័រDaily Star បានចុះផ្សាយថាៈកាលពីពេលថ្មីៗនេះថាបុរសសញ្ជាតិអៀឡង់ខាងជើងវ័យ៤៨ឆ្នាំរូបនេះ បានយល់ព្រមដោយផ្ទាល់មាត់ រួចហើយដើម្បីត្រៀមចុះហត្ថលេខាមកដឹកនាំ Man United ។ ប្រភពខាងលើបន្តថាម្ចាស់ជើងឯកអង់គ្លេស២០សម័យបានព្យាយាមបញ្ចុះបញ្ចូល លោក Roger ដែល ធ្លាប់មានបទពិសោធន៏ដឹកនាំក្រុមជាច្រើនមានដូចជា Watford, Reading, Swansea City, Liverpool និង Celtic ព្រមទាំង Leicester ពិតជាពិបាកនិងប្រកែកនៅឪកាសដែលឈានចូលមកដល់នាពេលនេះណាស់។
Rodgers បានឈ្នះការប្រកួត ៦៥លើក ស្មើ ២៧ដង និងចាញ់ ៣៧ ប្រកួតបន្ទាប់ពីដឹកនាំបាន១២៩លើក និងមានស្នាដៃល្អកាលពីរដូវកាលមុន ក្រោយជួយអោយក្រុមកញ្ជ្រោងខៀវឈ្នះពានរង្វាន់ដ៏ចំណាស់របស់អង់គ្លេស FA Cup មុនពេលជួយពួកគេលើកពានបើករដូវកាលCommunity Shield នៅដើមរដូវកាលនេះ៕
ប្រភពព័ត៍មាន៖ Sportsmole
