ប្រណាំងរថយន្ត៖ ព្រឹត្តិការណ៍ប្រណាំងរថយន្ត F1 ពិភពលោក 2018 នឹងចាប់ផ្ដើមទីលានដំបូងសប្ដាហ៍នេះហើយ ខណៈដែលក្រុមប្រណាំងទាំងអស់បានមកដល់ទឹកដីអូស្ត្រាលីហើយ នៅទីលានប្រណាំង Albert Park។
ខណៈដែលមជ្ឈដ្ឋានទូទៅចង់អោយការប្រកួតនៅអូស្ត្រាលីធ្វើនៅពេលយប់ ដើម្បីងាយស្រួលប្រជាជននៅតំបន់អឺរ៉ុបបានទស្សនានោះ នាយកប្រតិបត្តិនៃព្រឹត្តិការណ៍ Australian Grand Prix លោក Andrew Westacott បាននិយាយថា ពេលវេលាដែលផ្លាស់ប្ដូរគឺចេញប្រណាំងយឺតជាង 10នាទីប៉ុណ្ណោះដែលចំណុចនេះ គឺដើម្បីផ្ដល់ភាពងាយស្រួលដល់ក្រុមបច្ចេកទេសផ្សព្វផ្សាយ ហើយការពន្យារពេលចេញដំណើរ 10នាទីនេះនឹងធ្វើឡើងគ្រប់ទីលានទាំងអស់រដូវកាលនេះ។
ថ្ងៃព្រហស្បតិ៍កីឡាករទាំងអស់នឹងចាប់ផ្ដើមប្រណាំងសាកល្បង ខណៈថ្ងៃសៅរ៍ប្រណាំងយកទីចេញដំណើរ។ កីឡាកររបស់ក្រុមប្រណាំង Mercedes, Lewis Hamilton នឹងចាប់ផ្ដើមការពារតំណែងជើងឯករបស់ខ្លួននៅថ្ងៃអាទិត្យនេះហើយ៕
Text By: Bayon
ព្រឹត្តិការណ៍ប្រណាំងរថយន្ត F1 ពិភពលោក 2018 នឹងចាប់ផ្ដើមរដូវកាលថ្មី 2018 សប្ដាហ៍នេះ
អត្ថបទទាក់ទង
