តារាងកំប្លែងល្បីឈ្មោះនៅកម្ពុជា នាយពែកមី ម្សិលមិញនេះបានចូលរួមទស្សនាផ្ទាល់រវាងក្រុមបាល់ទាត់ជម្រើសជាតិកម្ពុជា និងក្រុមមីយ៉ាន់មាដែលជាការ ប្រកួតមិត្តភាព។ លោកពិតជាសោកស្ដាយជាខ្លាំងដែលកម្ពុជាបរាជ័យ ជាពិសេសពីរលើកច្បាស់ៗរបស់ខ្សែប្រយុទ្ធ ចាន់ វឌ្ឍនាកា។
លោក ចែម ចាន់ដារ៉ា ហៅនាយពែកមី លើកឡើងថា សម្រាប់ការប្រកួតមិត្តភាពអន្តរជាតិរបស់ក្រុមជម្រើសជាតិកម្ពុជានេះ លោកពិតជាសោកស្ដាយជាខ្លាំងដែលចាញ់ក្រុមភ្ញៀវមីយ៉ាន់ម៉ា ប៉ុន្តែកីឡាករទាំងអស់ពិតជាខំប្រឹងហើយ អាចថាមកពីស៊យ ឬគ្មានសំណាងក៏ថាបានដែរ ពីព្រោះមានឱកាសស៊ុតច្រើន ប៉ុន្តែមិនចូលទីគេ។
អ្នកកំប្លែងបានវោហាររូបនេះបន្តថា អ្វីដែលស្ដាយជាងនេះទៅទៀតនោះ គឺពីរលើកដាច់មាត់ដែល ចាន់ វឌ្ឍនាកា ទទួលបាននៅនាទី៧៧ និងនាទី៨០នោះតែម្ដង។ បើស៊ុតចូលសំណាញ់ទីក្រុមមីយ៉ាន់ម៉ា ប្រហែលកម្ពុជាឈ្នះហើយ ព្រោះចុងម៉ោងទៅហើយ។ លោកក៏មិនដឹងថា ស្ថានភាពពេលនោះគ្មានមុំទាត់ ឬ «វឌ្ឍនាកា» ព្យាយាមទាត់ឲ្យផុតដៃអ្នកចាំទី ទើបបែរជាខុសគោលដៅទៅវិញ។ យ៉ាងណា អ្នកកំប្លែងខាងលើនៅតែសង្កត់ធ្ងន់ថា ថ្ងៃនេះកម្ពុជាលេងបានល្អមានឱកាសច្រើនតែស៊យស៊ុតអត់ចូល។
ការប្រកួតបាល់ទាត់មិត្តភាពអន្តរជាតិកាលពីយប់ម្សិលមិញនៅឯពហុកីឡដ្ឋានជាតិ ក្រុមគោព្រៃកម្ពុជា បរាជ័យក្រោមថ្វីជើងភ្ញៀវ មីយ៉ាន់ម៉ា ដោយលទ្ធផល ២-១ ហើយថ្ងៃទី១៤ ខែវិច្ឆិកា ឆ្នាំ២០១៧ ខាងមុននេះក្រុមកម្ពុជាទទួលក្រុមខ្លាំង ហ្សកដានី បន្តទៀត៕
Via: Sabay
នាយ ពែកមី និយាយពីឱកាស ចាន់ វឌ្ឍនាកា ម្សិលមិញ
អត្ថបទទាក់ទង