ជារី ចន្ថាប៊ីន បានបង្ហាញអារម្មណ៍រីករាយ និង មានមោទនភាពយ៉ាងខ្លាំងដែលបានចុះហត្ថលេខាលេងឲ្យក្លិប Terengganu FC នៃលីគកំពូលម៉ាឡេស៊ី ចំនួនមួយរដូវកាល។
ឆ្លើយតបទៅនឹងសំណួរពីកីឡាដេលី ថាតើយល់យ៉ាងណាដែលបានក្លាយជាកីឡាករកម្ពុជាដំបូងនៅលីគកំពូលម៉ាឡេស៊ី ខ្សែបម្រើកូនខ្មែរបារាំងរូបនេះអះអាងថា មិនមានពាក្យអ្វីរៀបរាប់ច្រើនទេ តែអ្វីសំខាន់នោះ គឺគេនឹងប្ដេជ្ញាចិត្តប្រឹងប្រែងដើម្បីមានទីតាំងដ៏សមស្របមួយជួយទ្រនំថ្មីនេះ និង អរគុណដល់មាតុភូមិកម្ពុជា ព្រមទាំងមិត្តភក្ដិ និង ក្រុមគ្រួសារដែលតែងតែជួយគាំទ្ររូបគេរហូតមក។
គួររំឭកថា ជារី ចន្ថាប៊ីន បានចំណាយពេលលេងឲ្យអគ្គិសនីកម្ពុជា នៅជើងទី២ នៃលីគកំពូលកម្ពុជារដូវកាល២០១៧ កន្លងទៅ ក្នុងកិច្ចសន្យាខ្ចីពីក្លិប Krabi FC របស់ថៃ។ រដូវកាលថ្មីនៃក្របខណ្ឌ Malaysian Super League 2018 នឹងចាប់ផ្ដើមនៅអំឡុង ខែកុម្ភៈ ខាងមុខ៕
Via: keiladaily
