ខ្សែបម្រើនាំលេង(Player Maker) Mesut Ozil បច្ចុប្បន្នកំពុងសំលឹងមើលឃើញក្រុម 3 ដែល រូបគេអាចនឹងទៅលេងប្រសិនជារូបគេសម្រេចចិត្តចាកចេញពីក្រុម Arsenal នាខែមករា 2018ខាងមុខនេះ។ កីឡាករក្រុមជម្រើសជាតិ អាឡឺម៉ង់រូបនេះ និងផ្ទេរចេញដោយគ្មានតម្លៃខ្លួន(Free Transfer) នៅបញ្ចប់រដូវកាល (2017-2018)នេះ ប្រសិនបើរូបគេខកខានក្នុងការបន្តកិច្ចសន្យាថ្មីជាមួយក្រុមនៅពហុកីឡាដ្ឋាន Emirate Stadium នេះ។យោងការចុះផ្សាយរបស់ Manchester Evening News បានអោយដឹងថា ក្រុម Man.United ជាក្លឹបមួយក្នុងចំនោមក្រុមពីរផ្សេងទៀតគឺអតីតក្លឹបចាស់ Real Madrid និង ក្រុម Barcelona ដែលជាទីចំណាប់អារម្មណ៏របស់ Ozil។
បច្ចុប្បន្នកីឡាករដែលពូកែ Assist រូបនេះ ទទួលបានប្រាក់ឈ្នួល 150000ផោន/សប្តាហ៏ ស្របពេល ក្រុម Arsenal និងសាមីខ្លួននៅមិនទាន់បានចុះកិច្ចព្រមព្រៀងថ្មីនៅឡើយទេ។
កាលពីពេលថ្មីៗនេះ អតីតកីឡាករប្រវត្តិសាស្រ្ត Mikael Silvestre របស់ក្រុម Man.United និង Arsenal ចាត់ទុកថា Ozil មិនជោគជ័យហើយនិងជ្រើសរើសខុសប្រសិនជាត្រលប់ ទៅរួមការងារជាមួយអតីត គ្រូបង្វឹក គឺលោក Jose Mourinho នោះ។ Silvestre ដែលធ្លាប់ជួយក្រុមបិសាចក្រហម Man.United លើកពាន Premier League 5ដង និងChampion League 1ដងរូបនេះប្រាប់គេហទំព័រ beIN Sports ថា៖ ខ្ញុំគិតថាគាត់(Jose Mourinho)និងផ្លាស់ប្តូរឥរិយាបទ ក្នុងការជ្រើសកីឡាករសម្រាប់លេង ព្រោះក្រុមមានជម្រើសច្រើន ហើយការពិតសំខាន់បំផុតនៅពេលក្រុមរងបរាជ័យ។
កែសម្រួលដោយ៖ Usportkh
ប្រភព៖ Metro
