ក្រុមបាល់ទាត់ជម្រើសជាតិនារីកម្ពុជាត្រូវប៉ះក្រុមបាល់ទាត់ជម្រើសជាតិនារីម៉ាឡេស៊ីសម្រាប់ការប្រកួតលើកទី២ដូចគ្នាក្នុងពូល A នៃពានរង្វាន់ AFF Women’s Championship 2018 វេលាម៉ោង យប់នេះនៅប្រទេសឥណ្ឌូណេស៊ី។
នារីកម្ពុជា (ក្រហម)ពេលនឹងទីម័រ (រូបថត៖ សហព័ន្ធបាល់ទាត់កម្ពុជា)
ក្រុមនារីកម្ពុជាទទួលបាន៣ពិន្ទុ កំពុងឈរលើកំពូលតារាងពូល A បន្ទាប់ពីបានបំបាក់ក្រុមជម្រើសជាតិនារីទីម័រខាងកើតដោយលទ្ធផល ១២-០ កាលពីយប់ថ្ងៃសៅរ៍ ទី៣០ ខែមិថុនាកន្លងទៅនេះ។ ចំណែកក្រុមជម្រើសជាតិនារីម៉ាឡេស៊ីមិនទាន់មានពិន្ទុទេ បន្ទាប់ពីប្រកួតបើកឆាកដំបូងបរាជ័យក្រោមថ្វីជើងក្រុមមាឌធំនារីអូស្ត្រាលីដោយលទ្ធផល ៧-០។ ដូច្នេះនារីអូស្ត្រាលីមាន៣ពិន្ទុដូចនារីកម្ពុជា ប៉ុន្តែឈរលេខ២ក្នុងពូល ខណៈនារីម៉ាឡេស៊ីស្ថិតនៅលេខ៤។
នារីកម្ពុជា (ក្រហម)ពេលនឹងទីម័រ (រូបថត៖ សហព័ន្ធបាល់ទាត់កម្ពុជា)
ការប្រកួតរវាងក្រុមនារីកម្ពុជា និងនារីម៉ាឡេស៊ីនឹងចាប់ផ្តើមវេលាម៉ោង៧យប់ ថ្ងៃចន្ទ ទី២ ខែកក្កដា នៅកីឡដ្ឋាន Bumi Sriwijiya។ ពូលជាមួយគ្នានេះ ក្រុមនារីថៃប្រកួតជាមួយក្រុមនារីទីម័រខាងកើតវេលាម៉ោង៤ល្ងាច៕
នារីកម្ពុជា (ក្រហម)ពេលនឹងទីម័រ (រូបថត៖ សហព័ន្ធបាល់ទាត់កម្ពុជា)
ប្រភពពី: Sabay
AFF Woman Championship 2018: ក្រុមជម្រើសជាតិនារីកម្ពុជា ប៉ះ ម៉ាឡេស៊ី ម៉ោង៧យប់នេះ
អត្ថបទទាក់ទង