បន្ទាប់បាត់ខ្លួនពីការប្រកួតក្នុងស្រុកមួយរយៈ អ្នកប្រដាល់ចិត្តស៊ូ គួន ប៊ុនហ៊ីម បានវិលត្រឡប់មកបង្ហាញមុខជាថ្មីលើសង្វៀន MX Xtream របស់ថៃ នាយប់ថ្ងៃទី១៣ ខែកក្កដាស្អែកនេះ ដោយក្លាយជាបេក្ខភាពដណ្ដើមខ្សែក្រវាត់តទល់ជើងខ្លាំងថៃ Konkom ក្នុងប្រភេទទម្ងន់ ៥៦គីឡូក្រាម។
ប៊ុន ហ៊ីម ត្រូវបានគេកត់សម្គាល់ថា គេអ្នកប្រដាល់ជំនាញដៃ និងអត់ធ្មត់ខ្លាំងលើសង្វៀន។ គេពុំសូវវាយចេញផ្ដេសផ្ដាសឡើយ ប៉ុន្តែបើចេញម្ដងៗគឺច្បាស់ៗមែនទែន។ យ៉ាងណាក្តីគេនៅមានចំណុចខ្សោយមួយ គឺចេញក្បាច់យឺតដែលអាចពិបាក ប្រសិនបើដៃគូដែលចេញលឿនៗ និងគេចរហ័ស។ ចំពោះដៃគូគេវិញពុំសូវមានអ្នកស្គាល់ឡើយ ប៉ុន្តែប្រភពពីប្រទេសថៃទម្លាយថា Konkom ជំនាញទាត់ និងក្រៀកជង្គង់។ ដូច្នេះហើយការប្រកួតនេះនឹងក្លាយជាជំនួបជក់ចិត្តមួយ ដែលអ្នកប្រដាល់កម្ពុជាមានឱកាសសាងប្រវត្តិសាស្ត្រ ឈ្នះខ្សែក្រវាត់ពីកម្មវិធីដ៏ធំរបស់ថៃមួយនេះ។
ក្រៅពីការប្រកួតដ៏សំខាន់នេះ ក៏មានជើងខ្លាំង ហ្វាសុរៈ ដែលឧស្សាហ៍មកបង្ហាញខ្លួនលើសង្វៀនបាយ័ន បង្ហាញខ្លួនប៉ះអ្នកលេងឆ្លងដែនពីប្រេស៊ីលផងដែរ។ ការប្រកួតនឹងចាប់ផ្ដើមពីម៉ោង ៨:៤៥នាទីយប់ ដោយមានផ្សាយផ្ទាល់តាមរយៈកញ្ចក់ទូរទស្សន៍ One 31 របស់ថៃ៕
Via: BTV
អ្នកប្រដាល់ គួន ប៊ុនហ៊ីម មានឈ្មោះប្រកួតដណ្ដើមខ្សែក្រវាត់នៅថៃ
អត្ថបទទាក់ទង
