ក្រុមគោព្រៃកម្ពុជាបានចាញ់ក្រុមភ្ញៀវម៉ាឡេស៊ីដោយលទ្ធផល ៣-១ សម្រាប់ការប្រកួតមិត្តភាពអន្តរជាតិដែលទើបបញ្ចប់ទៅមុននេះបន្តិចនៅពហុកីឡដ្ឋានជាតិក្នុងរាជធានីភ្នំពេញ។
Keisuke Honda ផ្តល់កម្លាំងចិត្តដល់កីឡាករកម្ពុជា
ការប្រកួតនៅវគ្គទី១ ក្រុមជម្រើសជាតិកម្ពុជាបានបង្ហាញទម្រង់លេងយ៉ាងល្អដើម្បីដាក់សម្ពាធជំរុញឲ្យម៉ាឡេស៊ីព្យាយាមលេងការពារ និងវាយមក។ ការដាក់សម្ពាធរបស់កម្ពុជាធ្វើឲ្យទទួលបានឱកាសទាត់បាល់ពិន័យមួយលើកជាពីរលើក និងទទួលបានបាល់ជ្រុងថែមទៀត។ កាយសម្រុកយ៉ាងខ្លាំងបានធ្វើឲ្យកម្ពុជារកគ្រាប់បាល់បំបែកពង់មាន់របស់ម៉ាឡេស៊ីនៅនាទីទី១៨ដោយថ្វីជើងខ្សែការពារ ស៊ើយ វិសាល នៅនាទីទី១៨ បន្ទាប់ពីទទួលបាល់តែតពីខ្សែប្រយុទ្ធលេខ៩ កែវ សុខផេង។
នៅវគ្គទី២ ម៉ាឡេស៊ីបានព្យាយាមវាយសម្រុក និងកាន់តែល្អទៅដោយបានដាក់សម្ពាធជាបន្តបន្ទាប់លើម្ចាស់ផ្ទះកម្ពុជា។ ទីបំផុតម៉ាឡេស៊ីបានបំបែកពងមាន់របស់កម្ពុជាដើម្បីតាមស្មើ ១-១ ដោយកីឡាករ Saad នៅនាទីទី៦២ និងបានបន្ថែម១គ្រាប់ទៀតដោយកីឡាករ Andik នៅនាទីទី៧៤ ដើម្បីនាំមុខ ២-១។ ចុងម៉ោងវគ្គទី២ ម៉ាឡេស៊ី រកបាន១គ្រាប់ទៀតដើម្បីយកឈ្នះម្ចាស់ផ្ទះកម្ពុជា ៣-១។
ចំពោះកម្ពុជាក៏បានវាយលុកខ្លាំង និងមានឱកាសស៊ុត តែតចំគោលដៅជាច្រើនដង ប៉ុន្តែគ្មានសំណាងឡើយដោយអ្នកចាំទីម៉ាឡេស៊ីពិតជាល្អដោយសង្គ្រោះបាល់គ្រោះថ្នាក់ជាច្រើនលើក៕ ហុងដា. និយាយថា ទោះបីជាក្រុមយើងប្រកួតចាញ់ក៏ដោយ ប៉ុន្តែខ្ញុំពេញចិត្តនៅទម្រង់លេងរបស់កូនក្រុមខ្ញុំ ហើយយើងនៅមានចំណុចខ្វះខាតដែលត្រូវកែប្រែបន្ថែមទៀត
ក្រុមភ្ញៀវម៉ាឡេស៊ី វាយបកយកឈ្នះ គោព្រៃកម្ពុជា ៣-១(វិដេអូ)
អត្ថបទទាក់ទង