ក្រុមកីឡាករកម្ពុជាចំនួន ៥ រូបនឹងទៅចូលរួមប្រកួតព្រឹត្តិការណ៍កាយវប្បកម្មជ្រើសរើសជើងឯកលើកទី១០ (10TH WBPF WORLD BODYBUILDING AND PHYSIQUE SPORTS CHAMPIONSHIPS AND CONGRESS) នៅប្រទេសថៃចាប់ពីថ្ងៃទី១១ ដល់ថ្ងៃទី១៧ ខែធ្នូ ឆ្នាំ២០១៨។
សំបូរ ណាន ទទួលកម្រងផ្កា
ក្នុងការទៅចូលរួមលើកនេះមានកីឡាករ ៥ រូបរួមទាំងក្រុមការងារទាំងអស់សរុប៧រូប៖
១-លោក ស៊ឹម សុកមង្គលរស្មី ប្រធានប្រតិភូ និងគ្រូបង្វឹក
២-លោក នុត សុផលចៅក្រម
៣-សំបូរ ណាន កីឡាករ
៤-សំបូរ នន់ កីឡាករ
៥-សំបូរ សុភណ្ឌ កីឡាករ
៦-ណុប សុបិន្ត កីឡាករ
៧- ត្រឹង ចាន់ កីឡាករ
ក្នុងព្រឹត្តិការណ៍នេះម្ចាស់មេដាយមាសកម្រិតពិភពលោកលើកទី៩ សំបូរ ណាន នឹងត្រូវទៅប្រកួត ដើម្បីការពារជើងឯករបស់ខ្លួន។ ក្រោយពេលរូបគេជាម្ចាស់មេដាយមាសលើកទី៩កាលពី ឆ្នាំមុន។
សូមរំលឹកថា ឆ្នាំមុនកម្ពុជាបានបញ្ជូនកីឡាករចំនួន ៣ រូបទៅចូលរួមកម្មវិធីការប្រកួតកាយវប្បកម្មជ្រើសរើសជើងឯកពិភពលោកលើកទី៩ នៅប្រទេសម៉ុងហ្គោលី ជាលទ្ធផលគឺពួកគេឈ្នះបានមេដាយមាស ១ ប្រាក់ ១ និងសំរឹទ្ធ១ គ្រឿង៕
Via :news.sabay