លោក Jurgen Klopp បានត្រៀមរួចរាល់នូវកញ្ចប់ទឹកប្រាក់ ៨៥លានផោនដើម្បីបំបែកកំណត់ត្រាក្លឹបថ្មីទិញយក Ousmane Dembele ពីក្លឹប Barcelona នៅខែមករាខាងមុខនេះ។
អ្នកចាត់ការរបស់ Liverpool ចង់បានកីឡាករបារាំងវ័យ ២១ឆ្នាំដើម្បីបន្ថែមភាពខ្លាំងដល់ក្រុមរបស់ខ្លួនឲ្យខ្លាំងជាងមុនទៀត ដើម្បីអោយឱកាសប្រជែងពាន Premier League មានកើនឡើងនៅជើងទីពីរ។ ក្លឹបក៏ត្រៀមបំបែកកំណត់ត្រាផ្ទេរកីឡាករម្ដងទៀតដែរ ដោយកំណត់ត្រាមុនក្លឹបបានចំណាយ ៧៥លានផោនទិញយកខ្សែការពារ Virgil van Dijk។
Dembele ត្រូវបានអ្នកចាត់ការរបស់ Barca លោក Ernesto Valverde ដកចេញពីបញ្ជីលេងទល់នឹង Real Betis កាលពីចុងសប្ដាហ៍ បន្ទាប់ខកខានមិនបានមកហាត់ដោយមូលហេតុឈឺពោះ។ ត្បិតតែ Liverpool ចង់បានសមាជិកឈ្នះ World Cup 2018 រូបនេះក្ដី ប៉ុន្តែភ្នាក់ងាររបស់ Dembele លោក Moussa Sissoko បានប្រាប់ថា អតីតកីឡាករ Dortmund រូបនេះចង់បន្តនៅ Barcelona៕
កែសម្រួលដោយ៖ Cambosport
ប្រភព៖ Thesun
