ខ្សែប្រយុទ្ធ Lionel Messi ត្រូវបានកត់ត្រាឈ្មោះក្នុងជំពូកថ្មីមួយទៀតនៅក្នុងសៀវភៅប្រវត្តិសាស្ត្រ La Liga ខណៈដែលប្រធានក្រុមរបស់ក្លឹប Barcelona វ័យ ៣១ឆ្នាំរូបនេះបានបង្កើតកំណត់ត្រាមួយផ្សេងទៀតក្រោយការប្រកួតនៅលីកកំពូលអេស្បាញខណៈដែលក្រុម Barcelona បានផ្តួលម្ចាស់ផ្ទះ Espanyol ក្នុងលទ្ធផល ៤:0 កាលពីរាត្រីថ្ងៃសៅរ៏។
Messi បានស៊ុតបាល់បញ្ចូលទីបើកឆាកនាំមុខយ៉ាងល្អ ដោយការទាត់បាល់ Freekick នៅកីឡដ្ឋាន RCDE មុនពេលកីឡាករអន្តរជាតិអាហ្សង់ទីនរូបនេះបន្ថែមបាន ១គ្រាប់បន្ថែមទៀត នៅតង់ទី២ ស្របពេលមិត្តរួមក្រុម Dembele និង Suarez ក៏រកបានម្នាក់១គ្រាប់ផងដែរនោះ។ ជោគជ័យសម្រាប់សប្តាហ៏ទី១៥នេះមានន័យថា Messi រកបាន ១០គ្រាប់បាល់នៅរដូវកាលថ្មីនេះហើយក្លាយជាកីឡាករទី១ ដែលបានរកគ្រាប់បាល់នាំមុខគេនៅក្នុងរដូវកាល La Liga រយៈពេល ១៣រដូវកាលជាប់ៗគ្នាចុងក្រោយនេះ។
ដូចគ្នាផងដែរការទាត់បាល់ហ្វ្រីឃីករបស់ Messi ក៏ជាគ្រាប់បាល់ទី៨ ដែលរូបគេបានស៊ុតបញ្ចូលទីនៅក្នុងរដូវកាលនេះនៅ La Liga ច្រើនជាងកីឡាករនៅក្នុងក្រុមលីកកំពូលទាំង៥ របស់ទ្វីបអឺរ៉ុបគិតត្រឹមឆ្នាំ២០១៨ ។
ខ្សែប្រយុទ្ធជំនាញប្រើជើងឆ្វេងរូបនេះឈរនៅក្នុងចំណាត់ថ្នាក់លេខ៥ ក្រោយបោះឆ្នោតបេក្ខភាពជ័យលាភីបាល់មាស(Ballon d’Or) នៅសប្ដាហ៍នេះបន្ទាប់ពី ៤.Kylian Mbappe,៣. Antoine Griezmann, ២.Cristiano Ronaldo និង ១.Luka Modric ។
ប្រភព៖ besoccer