Chelsea ទទួលកាតក្រហម ២នាក់ តែបានទម្លាក់ Norwich City ដោយបាល់ ប៉េណាល់ទីកាត់សេចក្តី ឡើងទៅជុំទី៤ FA Cupបន្តទៀត

ក្នុងការប្រកួតបាល់ទាត់ FA Cup ជុំទី៣ ជើងទី២ នៅរាត្រីថ្ងៃពុធ ទី១៧ មករា ក្រុមម្ចាស់ផ្ទះ Chelsea បានយកឈ្នះក្រុម Norwich City ដោយលទ្ធផលប៉េណាល់ទីកាត់សេចក្ដី ៥ទល់នឹង៣ បន្ទាប់ពីបញ្ចប់លទ្ធផលកស្មើគ្នា១ទល់នឹង១ នៅម៉ោងធម្មតារួចមក។

ខ្សែប្រយុទ្ធសញ្ជាតិបែលហ្សិក Michy Batshuayi ទាត់បាល់បញ្ចូលទីឲ្យក្រុម Chelsea នាំមុខក្រុមភ្ញៀវនៅនាទី៥៥ តែនៅម៉ោងបន្ថែមនាទី៩០ បូក ៤ កីឡាករ Jamal Lewis របស់ក្រុម Norwich រកគ្រាប់បាល់តាមស្មើវិញ ហើយការប្រកួតបានអូសបន្លាយរហូតដល់អាជ្ញាកណ្តាលថែមម៉ោង ១៥នាទី ចំនួន ២ដង ដែលក្នុងពេលថែម ម៉ោងនោះខ្សែបម្រើអេស្បាញ Pedro Rodriguez ត្រូវអាជ្ញាកណ្តាលបណ្តេញចេញនៅនាទីទី១១៧ និង ខ្សែប្រយុទ្ធ Alvaro Morata ទទួលបានកាតលឿងជាលើកទី២ ត្រូវអាជ្ញាកណ្តាល បណ្ដេញចេញពីការប្រកួតនៅនាទីទី១២០+១ ផងដែរ។

ក្រោយបញ្ចប់ការថែមម៉ោងតែនៅតែមិនមានលទ្ធផល ទើបសម្រេចកាត់សេចក្តីដោយការស៊ុតប៉េណាំងទីម្នាក់ ៥គ្រាប់ ហើយកីឡាករអ្នកចាំទី Cabellero រារាំងការស៊ុត របស់កីឡាករក្រុម Norwich បាន ២គ្រាប់ក្នុងចំណោម ៥គ្រាប់ ស្របពេលក្រុមម្ចាស់ផ្ទះ ធ្វើបានសម្រេចទាំង៥ គ្រាប់នោះ។ Chelsea នឹងត្រូវបន្តជួបជាមួយក្រុមសារិកាព្រៃ Newcastle United នៅថ្ងៃអាទិត្យ ទី២៨ ខែមករា សម្រាប់ជុំទី៤ បន្តទៀត៕