Barcelona បានត្រឹម១ពិន្ទុប៉ុណ្ណោះពីការប្រកួត La Liga សប្ដាហ៍ទី២២ក្រោយស្មើគ្នា ១ទល់នឹង១ ជាមួយ Espanyol។
ប្រកួតយប់មិញ Luis Suarez, Coutinho និង Alcacer លេងជាជម្រើសដំបូង ខណៈ Messi ត្រូវលោក Ernesto Valverde ឲ្យសម្រាកហើយប្ដូរចូលនៅតង់ទី២។ ប្រព័ន្ធប្រយុទ្ធថ្មីរបស់អ្នកចាត់ការ Barca ហាក់គ្មានប្រសិទ្ធភាពទេពោលគឺត្រូវ Espanyol នាំមុខ១គ្រាប់មុននៅនាទី៦៦ ជាការតែតរបស់ខ្សែប្រយុទ្ធ Gerard Moreno។
យ៉ាងណានាទី៨២ Gerard Pique បានតែតសងបានវិញឲ្យ Barcelona បាន១ពិន្ទុទៅផ្ទះហើយបន្តកំណត់ត្រាមិនទាន់ចាញ់នៅ La Liga រដូវកាលនេះ៕
អត្ថបទ៖ វិរ័ត្ន
Via :news.sabay