លោក Jurgen Klopp បានផ្ទុះកំហឹងយ៉ាងខ្លាំងចំពោះលោកអាជ្ញាកណ្តាល Jon Moss ក្រោយពីគ្រាប់បាល់ទី១០០ក្នុងក្របខ័ណ្ឌ Premier League របស់ Harry Kane នៅនាទីបន្ថែម បានដណ្តើម១ពិន្ទុដ៏ចម្រូងចម្រាស់សម្រាប់ក្រុម Tottenham Hotspur ក្នុងពេលពួកគេបានបញ្ចប់ក្នុងលទ្ធផលស្មើ ២-២ នៅលើទឹកដីក្រុម Liverpool កាលពីថ្ងៃអាទិត្យ។
គ្រាប់បាល់ស៊ុតបញ្ចូលទីយ៉ាងល្អយ៉ាងល្អនៅនាទី ទី៩០របស់ខ្សែប្រយុទ្ធ Mohamed Salah ដើម្បីរកគ្រាប់បាល់ទី២នៃការប្រកួតនេះ បានបង្កើតឲ្យមានការអបអរយ៉ាងខ្លាំងក្លាពីសំណាក់អ្នកចាត់ការទូទៅរបស់ពួកគេគឺលោក Klopp និងហាក់ដូចផ្តល់ឲ្យក្រុម Liverpool នូវជ័យជម្នះដ៏សំខាន់មួយទៅឡើយក្នុងការប្រជែងដណ្តើមចំណាត់ថ្នាក់កំពូលទាំង៤។
ប៉ុន្តែ Kane នៅរយៈពេល៥នាទីចុងក្រោយនោះ បានស៊ុតបាល់ប៉េណាល់ជាលើកទី២ចូលទីយ៉ាងល្អ ក្រោយពីខ្សែការពារមានតម្លៃខ្លួន៧៥លានផោន Virgil van Dijk របស់ក្លិប Liverpool ត្រូវបានកាត់សេចក្តីថា បានធ្វើឲ្យខ្សែប្រយុទ្ធ Erik Lamela ដួលក្នុងប្រអប់គ្រោះថ្នាក់។
លោក Klopp បានឲយដឹងថា៖ «ប្រសិនបើខ្ញុំនិយាយពីអ្វីដែលខ្ញុំគិតនៅពេលនេះ ខ្ញុំគិតថា នឹងត្រូវប្រាក់ពិន័យដ៏ច្រើនក្នុងកីឡាបាល់ទាត់ពិភពលោក។ នៅនាទី ទី៩៣ អ្នកគួរតែផ្លុំកញ្ចែផ្តល់បាល់ប៉េណាល់ទី នៅពេលដែលអ្នកមានការប្រាកដប្រជា១០០ភាគរយប៉ុណ្ណោះ»។ ការដណ្តើមបាន១ពិន្ទុនេះ បានធ្វើឲ្យក្រុមឈរលេខ៣ Liverpool នៅតែនាំមុខ២ពិន្ទុលើក្រុមឈរលេខ២ Tottenham ដែលកំពុងតែស្ថិតក្នុងចំណាត់ថ្នាក់លេខ៥៕
ប្រភពព័ត៌មាន៖ Channel News Asia
Via :cambosport