ខ្សែប្រយុទ្ធ Gonzalo Higuain របស់ Juventus បានស៊ុតបាល់បញ្ចូលទី៣គ្រាប់ក្នុងមួយប្រកួតជាលើកទី២ ខណៈដែលក្រុមម្ចាស់ការពារតំណែងជើងឯកមួយនេះ បានផ្តួលក្រុម Sassuolo យ៉ាងចាស់ដៃក្នុងលទ្ធផល ៧-០ ក្នុងការប្រកួតក្របខ័ណ្ឌ Serie A កាលពីថ្ងៃអាទិត្យ។
TURIN, ITALY – OCTOBER 25: Gonzalo Higuain of Juventus celebrates after scoring a goal which was disallowed during the Serie A match between Juventus and Spal on October 25, 2017 in Turin, Italy. (Photo by Tullio M. Puglia/Getty Images)
កីឡាករ Alex Sandro បានជួយឲ្យក្រុម Juventus មានគ្រាប់បាល់នាំមុខនៅនាទី ទី៧ បន្ទាប់មកគ្រាប់បាល់បញ្ចូលទី២គ្រាប់នៅចន្លោះពេល៣នាទីពីសំណាក់កីឡាករ Sami Khedira បានជួយឲ្យក្រុមសេះបង្កង់មួយនេះ នាំមុខដល់ទៅ៣គ្រាប់ ហើយ Miralem Pjanic បានបន្ថែមគ្រាប់បាល់ទី៤នៅមុនពេលបញ្ចប់ការប្រកួតតង់ទី១។ បន្ទាប់មក Higuain បានបង្កើតឲ្យមានការចាប់អារម្មណ៍ផ្សេងៗ តាមរយៈការស៊ុតបាល់បញ្ចូលទី៣គ្រាប់នៅចន្លោះនាទី ទី៦៣ និងទី៨៣។
ការដណ្តើមបានជ័យជម្នះក្នុងកា
រប្រកួតលីកជាលើកទី៧ជាប់ៗគ្នារបស់ក្រុម Juventus បានធ្វើឲ្យពួកគេឡើងទៅឈរនៅលើកំពូលតារាងនៃក្របខ័ណ្ឌ Serie A ជាបណ្តោះអាសន្ននៅមុនពេលក្រុម Napoli បានយកឈ្នះលើក្រុម Benevento ដើម្បីវិលទៅឈរលេខ១លើតារាងវិញ។ បច្ចុប្បន្នក្រុម Napoli មាន៦០ពិន្ទុ ដោយនាំមុខ១ពិន្ទុលើក្រុម Juventus។
ស្របពេលជាមួយគ្នានេះ ក្រុម AS Roma បានបញ្ចប់ការមិនស្គាល់ឈ្នះរបស់ពួកគេត្រឹម៦ប្រកួត ក្នុងការប្រកួតក្របខ័ណ្ឌលីកនៅពេលដែល Cengiz Under បានរកគ្រាប់បាល់បញ្ចូលទីក្រោយពីលេងបានត្រឹមតែ៤៣វិនាទី ដើម្បីជួយឲ្យពួកគេទទួលជ័យជម្នះ ១-០ លើក្រុម Verona៕
ប្រភពព័ត៌មាន៖ Channel News Asia
Via :cambosport
