បឹងកេតបានប្រកួតចាញ់ក្រុមរបស់សិង្ហបុរី Home United ៦-០ ក្នុងការប្រកួត AFC Cup 2018 កាលពីយប់មិញនេះនៅទឹកដីរបស់សិង្ហបុរី។ ក្នុងការប្រកួតនោះត្រូវបានគេដឹងថាតារាសម្ដែង សុខ សោម៉ាវត្តី បានទៅដល់ទឹកដីសិង្ហបុរី ដើម្បីគាំទ្រក្រុមរបស់ លី វ៉ាហេទ។
ទោះទៅគាំទ្រដល់សិង្ហបុរីក្ដី តួឯកស្រីក្នុងរឿង “អ្នកនាងម្ចាស់ឡឺកឺ” រូបនេះ ធ្លាប់បានបញ្ជាក់ថា រូបគេ និង វ៉ាហេទ គ្មានទំនាក់ទងលើសពីមិត្តភ័ក្ដិឡើយ។ និយាយពីពិន្ទុរបស់បឹងកេតវិញ រហូតមកដល់ពេលនេះពួកគេស្ថិតនៅបាតតារាងក្នុងពូល F ដោយមាន ៣ ពិន្ទុឆ្លងកាត់ការប្រកួតចំនួន ៤ លើកកន្លងមក។
នេះជាលទ្ធផលដ៏សែនជូរចត់លើកទី២ ដែលក្រុមបឹងកេត ទទួលបាន បន្ទាប់ពីពួកគេបានចាញ់ក្រុម Ceres-Negros ៩-០ ក្នុងការប្រកួតបើកឆាក។ ការឈ្នះ១ និងចាញ់៣លើកនេះ បានធ្វើឲ្យក្រុមបឹងកេត បន្តឈរនៅបាតតារាងប្រចាំពូលF ដដែល ដោយមាន៣ពិន្ទុ។ រីឯក្រុម Ceres-Negros បានយកឈ្នះក្រុមម្ចាស់ផ្ទះ Shan United របស់មីយ៉ាន់ម៉ា ១-០ កាលពីយប់ម្សិលមិញនោះដែរ ដើម្បីបន្តឈរនៅកំពូលតារាង ដោយមាន១០ពិន្ទុ លើក្រុមHome United មាន៧ពិន្ទុ និង Shan United ឈរនៅលេខ៣ មាន៣ពិន្ទុ៕
ទស្សនាវីឌីអូហាយឡាយការប្រកួតរវាងក្រុម Home United vs Boeung Ket FC ទាំងអស់គ្នា៖
AFC Cup 2018: តារាសំដែងសុខ សោម៉ាវត្តី ទៅគាំទ្រ វ៉ាហេទ របស់ក្រុមបឹង កេត ដល់សិង្ហបុរី
អត្ថបទទាក់ទង
