ជំនួបដ៏ជក់ចិត្តបំផុតរវាងអ្នកលេងគុនខ្មែរ ឡៅ ចន្រ្ទា និងកីឡាករថៃ នឹងត្រាក់កាន ម្សិលមិញនេះនៅសង្វៀន CNC ពេញចិត្ត ពេញថ្លើមអ្នកទស្សនាតែម្ដង ព្រោះអ្នកទាំងពីរសុទ្ធតែមិនធ្លាប់ចាញ់ដូចគ្នាក្នុងវគ្គសន្សំពិន្ទុកន្លងទៅ ខណៈការប្រកួតនេះក៏ជាការសងសឹកទៀតផង។
ឡៅ ចន្រ្ទា បានឲ្យដឹងថា រូបគេពិតជាសប្បាយរីករាយជាខ្លាំង ដោយសងសឹកបានវិញលើជើងខ្លាំងថៃ នឹងត្រាក់កាន ហើយបើនិយាយពីការប្រកួតម្សិលមិញនេះវិញ គឺមានការពិបាកដែរ ទម្រាំយកឈ្នះបាន។
ឡៅ ចន្ទ្រា បានប្រាប់ថា វិធីសាស្ត្រយកឈ្នះជើងខ្លាំងខាងលើនេះគឺដោយសារវ៉ៃចេញឲ្យបានច្រើន ដើម្បីជាការសន្សំពិន្ទុ ព្រោះគេក៏ល្អដែរ ដូច្នេះមានតែវិធីនេះទើបអាចឈ្នះបាន។ ចំណុចល្អមួយទៀត គឺកម្លាំងរបស់ខ្លួនក៏លើអ្នកប្រដាល់ថៃនេះផងដែរ ។ ជំនួបលើកទី២នេះ វាខុសពីលើកទី១ ដោយសារលើកមុនវ៉ៃ៣ទឹក រូបគេមិនធ្លាប់ និងពេលនោះរួមផ្សំមិនបានហ្វឹកហាត់ដិតដល់ទៀតផង។
កីឡាករ ឡៅ ចន្រ្ទា ម្សិលមិញនេះយកឈ្នះជើងខ្លាំងថៃ នឹងត្រាក់កាន ដោយពិន្ទុ នាជំនួបជុំចុងក្រោយនៃវគ្គសន្សំពិន្ទុពានរង្វាន់ ISI របស់សង្វៀន CNC។ នៅពេលនេះរកឃើញហើយជើងខ្លាំងទាំង ៤រូប ដែលឡើងទៅវគ្គពាក់កណ្ដាលផ្ដាច់ព្រ័ត្រនោះមាន ឡៅ ចន្រ្ទា, នឹងត្រាក់កាន, រុងណាផា និង ពុទ្ធ ឆាយរិទ្ធី ៕
ប្រភពពី: Sabay
អ្នកប្រដាល់ឡៅ ចន្រ្ទា ប្រាប់គន្លឹះពិសេសដែលបាន យកឈ្នះ នឹងត្រាក់កាន ម្សិលមិញ
អត្ថបទទាក់ទង