អ្នកប្រដាល់វ័យក្មេងរបស់កម្ពុជា ធឿន ធារ៉ា ក្នុងនាមជាខ្មែរម្នាក់មិនឲ្យគេមើលងាយទេ បើដាក់ឲ្យជួបប្រកួតជាមួយកីឡាករ Saensatharn ពេលណាក៏បានដែរ អត់ខ្លាចឡើយ ព្រោះសម្ដីដែលអ្នកប្រដាល់រូបនេះនិយាយដូចជាធ្ងន់ៗពេកហើយ។
ធឿន ធារ៉ា បានឲ្យដឹងថា មួយរយៈពេលនេះបានទទួលដំណឹងច្រើនតាមហ្វេសបុកទាក់ទិននឹងកីឡាករថៃ Saensatharn អំពីការចង់ជួបប្រកួតគ្នាជាមួយខ្លួន ហើយក៏មានក៏មានពាក្យសម្តីមិនសមរម្យថែមទៀត។
តបនឹងពាក្យចង់ប្រកួតជាមួយជើងខ្លាំងកម្ពុជា ឬចង់ជួបជាមួយខ្លួន អ្នកប្រដាល់ដើមកំណើតមកពីព្រៃវែងខាងលើបន្ថែមថា ស្វាគមន៍ជានិច្ចចំពោះកីឡាករថៃម្នាក់នេះ បើទោះជាគេជាជើងខ្លាំងចាស់វស្សាម្នាក់ក៏ដោយ។ ព្រោះសម្ដីដែលធ្លាប់ថាឲ្យអ្នកប្រដាល់កម្ពុជាកន្លងទៅថ្មីៗនេះ ហាក់ដូចជាមើលងាយពេកហើយ។
រឿងរ៉ាវផ្លែផ្ការបស់អ្នកប្រដាល់ថៃ Saensatharn ជាមួយអ្នកគាំទ្រគុនខ្មែរ និងកីឡាករកម្ពុជាមួយចំនួននេះ កើតឡើង បន្ទាប់ពីកីឡាកររបស់ Thai Fight រូបនេះផ្ដួល ឡុង សុវណ្ណឌឿន ឲ្យសន្លប់នៅទឹកទី១ កាលពីថ្ងៃសៅរ៍ ទី២៤ ខែមីនា ឆ្នាំ២០១៨ កន្លងទៅនេះ៕
Via :news.sabay
