លោក ឈិន ក្វាន់ចៃ ថា កីឡាករ រឿង សោភ័ណ្ឌ ម្នាក់នេះមានដុងពីកំណើត រួមផ្សំនិងការខំប្រឹងហ្វឹកហាត់ផងនោះ ទើបធ្វើឲ្យគេខ្លាំងកម្រិតនេះ ហើយរាល់ការប្រកួតជាមួយដៃគូ គឺតែងតែមានស្នៀតពិសេសមួយសម្រាប់ផ្ដាច់។
ឈិន ក្វាន់ចៃ គ្រូរបស់ រឿង សោភ័ណ្ឌ ប្រាប់ឲ្យដឹងថា កូនសិស្សរបស់លោកម្នាក់នេះគឺជំហររឹងមាំល្អណាស់ បើទោះជាត្រូវនិងស្នៀតរបស់ដៃគូក៏ដោយមិនងាយស្រុតនោះទេ ឬដួលសន្លប់ស្រួលៗឡើយ ពោលនៅតតាំងជានិច្ច។
រឿង សោភ័ណ្ឌ ពេលឈ្នះខ្សែក្រវាត់ គុនខ្មែរពិភពលោក
គ្រូប្រដាល់វ័យ៦៧ឆ្នាំខាងលើបន្តថា ដោយសារ សោភ័ណ្ឌ មានទេពកោសល្យពីកំណើត រួមផ្សំនិងចិត្តចង់ឈ្នះ ចង់បាន ខណៈលោកព្យាយាមបង្វឹកទាំងទ្រឹស្ដី និងអនុវត្តស្នៀតពិសេសៗផងនោះ ជាហេតុធ្វើឲ្យរូបគេមានសមត្ថភាពខ្ពស់ក្នុងការយកឈ្នះដៃគូ ឬផ្ដួល។ រាល់ការប្រកួតការប្រកួតធំៗរបស់គេ គឺតែងតែមានទុកស្នៀតពិសេសមួយសម្រាប់ផ្ដួលដៃគូ ហើយឲ្យតែត្រូវស្នៀតនោះដឹងតែចប់ហើយ។
រឿង សោភ័ណ្ឌ ពេលឈ្នះខ្សែក្រវាត់នៅ CNC
មិនត្រឹមតែប៉ុណ្ណេះទេ សោភ័ណ្ឌ អាចថាជាអ្នកប្រដាល់ប្រើខួរក្បាលខ្ពស់ ឬឆ្លាតក្នុងការប្រកួតតែម្ដង ពេលដៃគូល្អយ៉ាងម៉េច ហើយត្រូវផ្លាស់ប្ដូរស្នៀតថ្មី ទៅតាមបច្ចេកទេស ពោលដូចជាប៉ះ ឡុង សុភី ផ្ដួលដោយកណ្ដាប់ដៃ និងផ្ដួល ពេជ្រ សីហា ដោយក្បាច់ទាត់ក្ដាប់ចានទៅវិញ។
រឿង សោភ័ណ្ឌ ពេលប៉ះជើងខ្លាំងថៃ
រឿង សោភ័ណ្ឌ ជាអ្នកប្រដាល់មកពីក្លឹបម្កុដរាជសីហ៍ កូនសិស្សលោកគ្រូ ឈិន ក្វាន់ចៃ បច្ចុប្បន្នកំពុងនៅឯប្រទេសបារាំងដើម្បីចូលរួមប្រកួតកម្មវិធីនានារយៈពេល៣ខែនៅទីនោះ។ ប្រកួតចុងរបស់គេផ្ដួលកីឡាករបារាំងឲ្យសន្លប់ និងឈ្នះខ្សែក្រវាត់១ទៀតផង ហើយបើគិតមកដល់ពេលនេះ គេមានខ្សែក្រវាត់ចំនួន ៧គ្រឿងមកហើយ៕
ប្រភពពី: Sabay
តើដឹងពីមូលហេតុជើងខ្លាំងរឿង សោភ័ណ្ឌ ភាគច្រើនផ្ដួលដៃគូឲ្យសន្លប់ទេ?
អត្ថបទទាក់ទង
