ខ្សែប្រយុទ្ធ ចាន់ វឌ្ឍនាកា បានឆ្លើយតបទៅគ្រូបង្វឹក Dollah Salleh របស់ក្រុម Pahang វិញហើយ ក្រោយពីគ្រូម្នាក់នេះ ចង់ឃើញកីឡាករកម្ពុជាលេងល្អជាងបច្ចុប្បន្ន។
លោក Dollah ថាខ្លួនរំពឹងច្រើនពី វឌ្ឍនាកា ជាងពេលបច្ចុប្បន្ននេះ។ លោកគិតថាកីឡាករមានដើមកំណើតនៅខេត្តកំពតនឹងធ្វើបានល្អ ហើយជួយក្រុមបានច្រើន។ ដូច្នេះរូបគេត្រូវប្រឹងប្រែងហ្វឹកហាត់បង្ហាញសមត្ថភាពជាងពេលឥឡូវ។
ជាមួយគ្នាដែរ កីឡាករពាក់អាវលេខ១១បាននិយាយចំពោះរឿងនេះដែរថា គេអាចធ្វើបានល្អ និងមានបំណងរកគ្រាប់បាល់បន្ថែមទៀត សម្រាប់ក្រុម Pahang។ កីឡាករដដែលបន្តថា ប្រសិនបើខ្លួនអាចធ្វើដូច្នេះបាន នោះការលេងរបស់គេនឹងមានការរីកចម្រើន។
វឌ្ឍនាកា បានអះអាងថា ខ្លួននឹងព្យាយាមបន្ថែមទៀត ក្នុងការលេងឲ្យក្លឹបបាល់ទាត់ Pahang FA នៅក្នុងការប្រកួតទល់នឹងក្រុមខ្លាំង Johor Darul Ta’zim (JDT) ជើងទីពីរ វគ្គ៨ក្រុមចុងក្រោយ ពានរង្វាន់ FA Cup ម៉ាឡេស៊ី នៅថ្ងៃទី២០ ខែមេសា ឆ្នាំ ២០១៨វេលាម៉ោង៨យប់។ ត្បិតអីក្រុមមួយនេះ កំពុងមានបញ្ហាកីឡាកររបួសដូចជា ខ្សែប្រយុទ្ធ Forkey Doe និង ខ្សែការពារ Matthew Davies សុទ្ធតែមានបញ្ហារបួស។ កាលពីជើងទីមួយ Pahang បានត្រឹមលទ្ធផលស្មើ ០-០ ជាមួយ JDT តែប៉ុណ្ណោះ៕
ប្រភពពី: Sabay
តារាឆ្នើម ចាន់ វឌ្ឍនាកា ឆ្លើយតបវិញភ្លាម ពេលគ្រូបង្វឹកចង់ឃើញរូបគេល្អជាងបច្ចុប្បន្ន
អត្ថបទទាក់ទង