អ្នកប្រដាល់រហស្សនាមកណ្ដាប់ដៃថ្ម ម៉ឺន សុភា ឃើញ វ៉ាត់ឆារ៉ាឡេក គ្រវីក្បាលមិនសូវពេញចិត្តនិងលទ្ធផលកាលពីថ្ងៃអាទិត្យសប្ដាហ៍មុននេះ អាចសុំជួបគ្នាម្ដងទៀតបាន ប៉ុន្តែពេលចប់ខ្សែក្រវាត់ស្រាបៀលីអូ នេះសិន។
ម៉ឺន សុភា(ក្រហម)
ម៉ឺន សុភា ប្រាប់ឲ្យដឹងថា ជំនួបលើកទី៥ កាលពីថ្ងៃអាទិត្យ ទី២៩ មេសា កន្លងទៅនេះ ជាមួយជើងខ្លាំងថៃ វ៉ាត់ឆារ៉ាឡេក នៅតែស្វិតស្វាញ តឹងតែងដដែល មិនថាខ្លួនឯង ឬថៃនោះឡើយ។ ប៉ុន្តែជំនួបលើកនេះ វាខុសប្លែកពី៤លើកមុនខ្លះៗដែរ ពោលគឺម្ដងនេះថៃខាងលើ ហាក់មិនសូវញញើតនោះទេ ហើយហ៊ានឈរវ៉ៃតតាំង និងមិនសូវថយប៉ុន្មានឡើយ។
ម៉ឺន សុភា(ក្រហម)
ម្ចាស់មេដាយប្រាក់មកពីម៉ាឡេស៊ីរូបនេះបន្ថែមថា បន្ទាប់ពីប្រកាសលទ្ធផលហើយ មើលឃើញថា អ្នកប្រដាល់ឆ្លងដែនមកពីថៃខាងលើ គ្រវីក្បាល និងបញ្ចេញកាយវិការមិនសូវពេញចិត្តលទ្ធផលដែលឲ្យគេចាញ់។ សុភា ចង់ប្រាប់ទៅ វ៉ាត់ឆារ៉ាឡេក ដែរថា បើចង់ជួបគ្នាម្ដងទៀត ខ្លួនស្វាគមន៍ តែសុំចប់ខ្សែក្រវាត់សិន។
ម៉ឺន សុភា(ក្រហម)
រំលឹកដែរថា ការប្រកួតវគ្គពាក់កណ្ដាលផ្ដាច់ព្រ័ត្រខ្សែក្រវាត់ស្រាបៀលីអូ ថ្ងៃអាទិត្យសប្ដាហ៍មុននេះ គឺ ម៉ឺន សុភា ឈ្នះពិន្ទុ វ៉ាត់ឆារ៉ាឡេក ចំណែក ឡុង សុភី ឈ្នះ រ៉ាស៊ីសឹង្ហា ដោយពិន្ទុដូចគ្នា។ អ្នកប្រដាល់កម្ពុជាទាំងពីររូបនេះនឹងត្រូវប៉ះគ្នាម្ដងទៀតវគ្គផ្ដាច់ព្រ័ត្រដណ្ដើមយកលេខ១ នាពាក់កណ្ដាលខែឧសភា ខាងមុខនៅសង្វៀនបាយ័ន៕
ប្រភពពី: Sabay
ម៉ឺន សុភា៖ វ៉ាត់ឆារ៉ាឡេក បើមិនពេញចិត្តលទ្ធផល អាចជួបគ្នាម្ដងទៀតបាន
អត្ថបទទាក់ទង
