ការប្រកួតកីឡាជាតិលើកទី២ឆ្នាំ២០១៨បានបើកជាផ្លួវការកាលពីថ្ងៃទីសុក្រ ទី២៥ ខែឧសភា ឆ្នាំ២០១៨យ៉ាងគគ្រឹកគគ្រេងបំផុតនៅពហុកីឡដ្ឋានជាតិ រាជធានីភ្នំពេញ។ សម្រាប់ការប្រកួតរយៈពេក២ថ្ងៃកន្លងទៅនេះបង្ហាញឲ្យឃើញ ក្រុមកីឡារាជធានីភ្នំពេញកំពុងឈានមុខគេក្នុងការឈ្នះមេដាយ។
រូបភាពប្រកួតអត្តពលកម្ម (រូបថត៖ អគ្គនាយកដ្ឋានកីឡា)
គិតត្រឹមល្ងាចថ្ងៃសៅរ៍ ទី២៦ ម្សិលមិញ ក្រុមកីឡារាជធានីភ្នំពេញដណ្តើមបានមេដាយចំនួន២៤គ្រឿងគឺមេដាយមាស១០គ្រឿង ប្រាក់៩គ្រឿង និងសំរឹទ្ធ៥គ្រឿងកំពុងឈរចំណាត់ថ្នាក់លេខ១។ ក្រុមក្រសួងមហាផ្ទៃរកបាន២០គ្រឿង ខេត្តតាកែវគួរឲ្យចាប់អារម្មណ៍ជាងគេ បើធៀបនឹងខេត្តផ្សេងៗគឺរកបាន១១គ្រឿង ហើយក្រុមកីឡាក្រសួងការពារជាតិរកបាន៩គ្រឿង។
ព្រឹត្តិការណ៍កីឡាជាតិលើកទី២មាន ២៥ រាជធានីខេត្តចូលរួម និង ៣ ក្រសួងដែលមានកីឡាករសរុបប្រមាណ ៤០៧៣ នាក់ និងមាន ២៧ ប្រភេទកីឡា ដោយចាប់ផ្ដើមប្រកួតពីថ្ងៃទី២៥ ខែឧសភា ដល់ថ្ងៃទី៦ ខែមិថុនា ឆ្នាំ២០១៨ នៅរាជធានីភ្នំពេញ ខេត្តកំពត ខេត្តកេប និងខេត្តកំពង់ធំ៕
By: Sabay
កីឡាជាតិលើកទី២ឆ្នាំ២០១៨: ភ្នំពេញឈ្នះមេដាយកីឡាជាតិច្រើនជាងគេ
អត្ថបទទាក់ទង
