ក្រុមម្ចាស់ផ្ទះអារ៉ាប់រួម និងកាតាបានកក់កៅអីទៅជួបគ្នានៅវគ្គពាក់កណ្តាលផ្តាច់ព្រ័ត្រពានរង្វាន់ AFC Asian Cup ២០១៩ បន្ទាប់ពីទទួលជ័យជម្នះដោយផ្តួលគូបដិបក្សរបស់ពួកគេនៅវគ្គ ៨ក្រុមចុងក្រោយសម្រាប់ការប្រកួតពានរង្វាន់ធំបំផុតនៅទ្វីបអាស៊ីកាលពីថ្ងៃទី២៥ ខែមករា ២០១៩ នេះ។
ក្រុមអារ៉ាប់រួមក្នុងនាមជាម្ចាស់ផ្ទះបានយកឈ្នះក្រុមការពារតំណែងជើងឯកគឺកង់គូរ៉ូអូស្ត្រាលី ១-០ ខណៈកាតាផ្តួលក្រុមម្ចាស់ជើងឯក Asian Game កូរ៉េខាងត្បូងក្នុងលទ្ធផល ១-០ ស៊ុតបញ្ចូលទីពីចំងាយដោយកីឡាករ Abdulaziz Hatem នៅនាទី៧៨ បើទោះបីជាក្រុមកូរ៉េមានឪកាសជាច្រើន ប៉ុន្តែមិនមានសំណាង បើទោះបីជាតាមស្មើវិញនៅនាទីទី៨០ ប៉ុន្តែអាជ្ញាកណ្តាលសម្រេចមិនផ្តល់អោយដោយចាត់ទុកជាបាល់ off side ក្រោយឆ្លងកាត់ការពិនិត្យដោយប្រពន្ធ VAR ផងដែរនោះ។ ក្រុមអារ៉ាប់រួម និងកាតា នឹងត្រូវប្រកួតគ្នានៅឯកីឡដ្ឋាន Mohammed Bin Zayed ក្នុងទីក្រុង Abu Dhabi នាថ្ងៃអង្គារខាងមុខដើម្បីកក់កៅអីវគ្គផ្តាច់ព្រ័ត្រ។
ជាលទ្ធផលក្រុមមកពីតំបន់អារ៉ាប់រឺអាស៊ីខាងលិចរឺតំបន់មជ្ឈឹមបូព៌ាចំនួនពីក្រុមគឺ កាតា និង អារ៉ាប់រួមនឹងត្រូវប្រកួតប្រជែងគ្នាសម្រាប់វគ្គពាក់ កណ្តាលផ្តាច់ព្រ័ត្រក្នុងព្រឹត្តិការណ៍ Asian Cup ប្រចាំទ្វីបអាស៊ីជាលើកទី១៧ ស្របពេលក្រុមមកពីអាស៊ីខាងកើតជប៉ុន និងអ៊ឺរ៉ង់ក៏ត្រូវជួបគ្នានៅវគ្គនេះដែរដើម្បីប្រជែងគ្នាទៅកាន់វគ្គផ្តាច់ព្រ័ត្រ៕
អត្ថបទ៖ Cambosport
ប្រភព៖ foxsportsasia
