បញ្ហាដ៏លំបាកនិងកំពុងប្រឈមរបស់ ក្រុមអធិរាជស Real Madrid នៅពេលនេះគឺការខ្សត់គ្រាប់បាល់បញ្ចូលទី ស្របពេល ក្រុមកំពុងសម្លឹងរកកីឡាករម្នាក់បន្ថែមដើម្បីពង្រឹងនៅតំបន់ប្រយុទ្ធឡើងវិញ។ យោងគេហទំព័រ The Sun បានដកស្រង់ថាៈ ម្ចាស់ជើងឯក Champions League ៣សម័យចុងក្រោយជាប់ៗគ្នាក្របខ័ណ្ឌកំពុងបង្វែរការយកចិត្តទុកដាក់របស់ពួកគេលើខ្សែប្រយុទ្ធ Marcus Rashford របស់ក្រុម Manchester United ដោយត្រៀមដេញនៅទឹកប្រាក់រហូតដល់ ១០០លានផោនខណៈទីផ្សារដោះដូរកីឡាករខិតជិតដល់ឪសានវាទ។
យោងរបាយការណ៍បានអះអាងថាកីឡាករអន្តរជាតិអង់គ្លេសមិនសប្បាយចិត្តនៅទឹកដី Old Trafford ដោយសារតែមិនបាន ចូលលេងទៀងទាត់សម្រាប់ក្រុមកំលុងការដឹកនាំរបស់លោក Jose Mourinho ចាប់តាំងពីពេលនោះមកដល់បច្ចុប្បន្ន មើលឃើញហេតុផលដូច្នេះហើយទើបក្រុមយក្សរបស់ La Liga ត្រៀមខ្លួនរួចជាស្រេចដើម្បីក្តោបយកឪកាសនេះ។ ប៉ុន្តែក្រោយពីគ្រូបង្វឹកថ្មី Ole Gunnar Solskjaer បានមកដល់ Rashford បានដើរតួនាទីយ៉ាងសំខាន់ក្នុងលទ្ធផលល្អ សម្រាប់ជ័យជំនះ៧ប្រកួតនិងស្មើ ១ប្រកួតក្នុងក្របខ័ណ្ឌ Premier League។
យ៉ាងណាមិញកីឡាករអន្តរជាតិអង់គ្លេស Rashford ត្រូវបានរំពឹងថានឹងចុះកិច្ចព្រមព្រៀងថ្មីមួយនៅទឹកដី Old Trafford នៅរដូវក្តៅនេះ ប៉ុន្តែក្រុម Real Madrid បានព្យាយាមនិងខ្នះខ្នែងចង់បានរូបគេមករួមក្រុមអោយខាងតែបាន ដើម្បីត្រៀមបន្តយុទ្ធនាដែលនៅសេសសល់រហូតដល់បញ្ចប់ការប្រកួតរដូវកាល(២០១៨-២០១៩)នេះ ។
ទោះបីជាមានកីឡាករមួយចំនួនដែលសម្បូរណ៏ទៅដោយបទពិសោធន៏ដូចជាៈ Karim Benzema, Isco, Gareth Bale និង Marco Asensio សុទ្ធសឹងជាធនធានដែលមានស្រាប់សម្រាប់បន្តកិច្ចការងារនេះ ប៉ុន្តែសម្រាប់លោក Santiago Solari នៅតែមិនអាចដោះស្រាយបញ្ហាស្មុគស្មាញចំពោះមុខមួយនេះបានល្អប្រសើរនៅឡើយទេ។
អត្ថបទ៖ Cambosport
ប្រភព៖ foxsportsasia
