យោងតាម គេហទំព័របរទេសនិងត្រូវបានFox Sport ដកស្រង់បានឱ្យដឹងថាអតីតគ្រូបង្វឹកបាល់ទាត់អាហ្សង់ទីន Diego Maradona បច្ចុប្បន្ននេះជាឪពុកនៃកូនប្រាំបីនាក់ដែលក្នុងនោះគឺម្តាយរបស់ក្មេងជាស្រ្តី៦នាក់ផ្សេងគ្នា ។ប្រភពបានបន្តថាវីរបុរសក្រុមជម្រើសជាតិអាហ្សង់ទីនដែល បានជួយក្រុមឈ្នះពានរង្វាន់បាល់ទាត់ពិភពលោកFIFAWorld Cup ១៩៨៦ បានទទួលស្គាល់កូនតូចបីនាក់បានចាប់កំណើតនៅក្នុងប្រទេសគុយបា។
មេធាវីរបស់ម៉ារ៉ាដូណាលោក Matias Morla បានបង្ហើបឱ្យដឹងថាកូនក្តីរបស់លោកគឺMoradona នឹងធ្វើដំណើរ ទៅកាន់ទីក្រុងឡាហាវ៉ាណរាជធានីប្រទេសគុយបាសម្រាប់ការធ្វើតេស្តរកភស្តុតាងបញ្ជាក់ត្រឹមត្រូវ ដើម្បីទទួលខុសត្រូវនិងទទួល ស្គាល់កូនចៅរបស់ខ្លួននាពេលឆាប់ៗនេះ។ស្ថិតនៅក្នុងវ័យ ៥៨ ឆ្នាំម៉ារ៉ាដូណាបានបដិសេធការចោទប្រកាន់ទំនាក់ទំនង ទៅនិង ក្មេងម្នាក់ជាមួយ អតីតភរិយាមុនគឺនាង Claudia Villafane ប៉ុន្តែក្រោយមកបានទទួលស្គាល់កុមារពីរូបពីនារីពីរនាក់ផ្សេងទៀតផងដែរ ។
ម៉ារ៉ាដូណាធ្លាប់មានកូន២នាក់ជាមួយនឹងប្រពន្ធមុនគឺនាង Villafane Maradona ឈ្មោះ Giannina និង Dalma ។ ក្រោយមកទៀតកុមារ២រូបទៀតគឺDiego Junior និង Jana ត្រូវបានទទួលស្គាល់ដោយគ្រូបង្វឹកបច្ចុប្បន្នរបស់ក្រុមDorados de Sinaloaនៅប្រទេសមិកស៊ិកូបន្ទាប់ពីដោះស្រាយបញ្ហាផ្លូវច្បាប់ជាមួយម្តាយរបស់ពួកគេរៀងៗខ្លួន។អតីតខ្សែប្រយុទ្ធក្រុមNapoli ក៏បានទទួលស្គាល់កូនទីប្រាំ ឈ្មោះ Diego Fernando អាយុ ៦ ឆ្នាំដែលជាលទ្ធផលនៃទំនាក់ទំនងរបស់គាត់ជាមួយ នាងVeronica Ojedaនាពេលកន្លងមក ។
