កីឡាការិនីគុនខ្មែរដែលល្បីមានឈ្មោះ នៅ ស្រីពៅ ដែលបានចាប់ផ្ដើមហ្វឹកហាត់គុនខ្មែរ នៅក្លឹបប្រដាល់តាឡីដំរីមានរិទ្ធតាំងពីឆ្នាំ ២០១៤ បានថ្លែងប្រាប់ថា៖ «ខ្ញុំមិនខ្លាចគូប្រកួតណាទាំងអស់នៅសង្វៀន One Championship ឲ្យតែត្រូវគីឡូជាមួយនឹងខ្ញុំ ហើយខ្ញុំបន់ឲ្យតែគេចាប់គូឲ្យវ៉ៃ។
កីឡាការិនីដែលមានវ័យ២៤ឆ្នាំ ស្រីពៅ បានប្រាប់បន្ថែមទៀតថា: ក្នុងការប្រកួតនៅក្រៅប្រទេស៣លើកកន្លងមក ខ្ញុំមិនទាន់ចាញ់នៅឡើយទេ ជាពិសេសជ័យជម្នះលើកីឡាការិនីមានបទពិសោធច្រើនម្ចាស់ផ្ទះថៃ Rika Ishige ដោយពិន្ទុកាលពាក់កណ្ដាលខែកុម្ភៈកន្លងទៅក្នុងកម្មវិធី One: Clash of Legends នាទីក្រុងបាងកក។
លោកគ្រូ វ៉ែន សុផល រៀបថា រួបគេត្រូវប្រឹងប្រែងហ្វឹកហាត់ប្រដាល់សកល នៅពហុកីឡដ្ឋានជាតិ ទាំងព្រឹក និង ល្ងាច ក្រោយពីការកោះហៅរបស់ក្រសួងអប់រំ យុវជន និងកីឡា ដើម្បីត្រៀមចេញទៅប្រកួតនៅស៊ីហ្គេម ចុងឆ្នាំនេះនៅប្រទេសហ្វីលីពីន។ នៅ ស្រីពៅ ដែលមានដើមកំណើតនៅចម្ការដូងរាជធានីភ្នំពេញ បានចូលហ្វឹកហាត់ប្រដាល់ តាំងពីឆ្នាំ ២០១៤ ជាមួយបងប្រុសបង្កើតឈ្មោះ នៅ ស៊ីថា។
គ្រូបង្វឹករបស់ ស្រីពៅ ដំបូងគឺ ញ៉ូវ ម៉ាក និង លោកគ្រូ ម៉ាក សាខន នៃក្លឹបតាឡីដំរីមានរិទ្ធិដែលមានសិស្សឆ្នើម ផល សោភ័ណ្ឌ។ ប៉ុន្តែមុនពេលទៅប្រកួតក្នុងកម្មវិធី MMA ឬ One កីឡាការិនីរូបនេះទៅហ្វឹកហាត់ក្បាច់ឃ្លេ ឬ គុនចម្រុះជាមួយគ្រូបង្វឹក ហ៊ុន ច័ន្ទរាជ្យ នៃក្លឹប Cambodian Top Team៕
នៅសង្វៀន One Championship: កីឡាការនីនៅ ស្រីពៅ ថាព្រមវាយទាំងអស់អោយតែត្រូវគីឡូ
អត្ថបទទាក់ទង
