ជើងខ្លាំងម្ចាស់មេដាយមាសស៊ីហ្គេមរបស់កម្ពុជា ឃីម ឌីម៉ា នឹងត្រូវសាកវិជ្ជាគុនជាមួយកីឡាករកូនកាត់ថៃ-បារាំង ឌិន ណាផូ ក្នុងកម្មវិធីប្រដាល់អន្តរជាតិនៅក្នុងខេត្តកំពង់ធំ របស់សង្វៀន CNC។
ការប៉ះគ្នារវាងជើងខ្លាំងទាំងពីរនាក់នេះ កំពុងទាញការចាប់អារម្មណ៍ខ្លាំងពីសំណាក់អ្នកនិយមតាមដានគុនខ្មែរនៅពេលនេះ។ ដោយសារតែសមត្ថភាព និងកេរ្តិ៍ឈ្មោះរបស់ ឌីម៉ា និង ឌិន ណាផូ សុទ្ធល្បី ហើយខ្លាំងដូចគ្នា បើទោះជាម្នាក់នៅខ្មែរ ម្នាក់ទៀតនៅប្រទេសថៃក៏ដោយ។
អ្នកប្រដាល់ម្ចាស់មេដាយមាសកីឡាស៊ីហ្គេម ឆ្នាំ ២០១៧ ឃុន ឌីម៉ា ឬ (ឃីម ឌីម៉ា) មានចំណុចល្អមួយ គឺការប្រើកែងបត់ មួយទំហឹង និងចូលចិត្តប្ដូរកែងតែម្ដង បើត្រូវគឺបែក ឬសន្លប់ហើយ រីឯឌិន ណាផូ វ៉ៃត្រឹមឈ្នះពិន្ទុប៉ុណ្ណោះដៃគូប៉ុណ្ណោះ ។ ការប៉ះគ្នានេះពួកគេទាំងពីរនេះជាអ្នកប្រដាល់ក្បាច់ដូចគ្នា វ៉ៃច្បាស់ៗ ចេញចូលលឿន ហើយស្នៀតកាត់ដៃគូដូចជាទាត់ ឬធាក់គឺរហ័ស។
គួររំលឹកផងដែរថា: ម្ចាស់មេដាយមាសកីឡាស៊ីហ្គេម ឃុន ឌីម៉ា (ឃីម ឌីម៉ា) បានបង្កើតកំណត់ត្រាថ្មីមួយទៀត នៅលើទឹកដីប្រទេសបារាំង បន្ទាប់ពីរូបគេ បានឈ្នះខ្សែក្រវាត់ ក្នុងព្រឹត្តិការណ៍ដ៏ធំរបស់ប្រទេសនេះ គឺ Ruhu Fight II 2018 កាលពីយប់ថ្ងៃសៅរ៍ ឯជើងខ្លាំង ឡៅ ចន្ទ្រា និង ម៉ឺន សុភា ក៏បានយកឈ្នះក្នុងការប្រកួតនោះដែរ។ ចំណែកជើងខ្លាំង រឿង សោភ័ណ្ឌ នឹងនាំយកខ្សែក្រវាត់២ និងពាន១ មកដល់កម្ពុជា យប់ថ្ងៃអាទិត្យនេះ។
អ្នកប្រដាល់ជើងខ្លាំងឃីម ឌីម៉ា និងកីឡាករបារាំងថៃ ឌិន ណាផូ ថ្ងៃនេះវេលាម៉ោង៥:០០ ល្ងាចនៅស្ថានីយ៍ CNC
អត្ថបទទាក់ទង