ដូចដែលបងប្អូនអ្នកគាំទ្រវិស័យប្រដាល់គុនខ្មែរបានដឹងហើយថា កីឡាករ សុខ ធី ឬ កាកា នឹងត្រូវប៉ះកីឡាករលំដាប់លេខ១ ថៃ រ៉តថាំង (Rodtang) ដែលគេនិយមហៅថា អ្នកប្រដាល់ដែកថែប នៅក្នុងស្ថាប័នលំដាប់ពិភពលោក ONE Championship នៅ Impact Arena តំបន់មឿងថងថានី ភាគខាងជើងក្រុងថេប ប្រទេសថៃ នៅថ្ងៃទី១០ខែក្រោយនេះ។
ដោយសារតែសន្ទុះនៃអ្នកគាំទ្ររវាងកីឡាករទាំង២ បានហក់ខ្លាំងមិនគួរឲ្យជឿ ទាំងនៅកម្ពុជា និងនៅថៃ ទើប ONE Championship ផ្ដល់ឱកាសឲ្យបងប្អូនខ្មែរដែលរស់នៅប្រទេសថៃ អាចចូលរួមទស្សនាការប្រកួតដ៏អស្ចារ្យនេះ ដោយមិនគិតថ្លៃ ដោយគ្រាន់តែបំពេញឈ្មោះ លេខទូរសព្ទ email និងព័ត៌មានមួយចំនួនទៀត ជាការស្រេច។
ការបំពេញ ដើម្បីទទួលបានសំបុត្រមិនគិតថ្លៃនេះ នឹងបញ្ចប់ត្រឹមម៉ោង ១១:៥៩នាទីយប់ថ្ងៃទី៦ ខែឧសភា ហើយខាង ONE នឹងជូនដំណឹងទៅបងប្អូន នៅថ្ងៃទី៧ ខែឧសភា តាមរយៈការផ្ញើសារទៅអ៊ីមែល ឬលេខទូរសព្ទរបស់បងប្អូន។ សូមបញ្ជាក់ថា ក្នុងម្នាក់ នឹងអាចទទួលបានសំបុត្រទស្សនាចំនួន ២។
គូប្រកួតទាំងអស់ មានដូចខាងក្រោម៖
គួរបញ្ជាក់ផងដែរថា: លោក Poptorn Roongsamai មកពីទស្សនាវដ្ដី Champ Boxing Magazine និងលោក Pornchai Udomsomporn មកពីទស្សនាវីដេអូប្រដាល់ Muay Too Magazine គិតថា សុខ ធី នឹងចាញ់ពិន្ទុ ក្នុងការប្រកួតខាងលើនេះ។ ស្របពេលលោក Sroi Mungmee មកពីទស្សនាវដ្ដី Khaosod បានគិតថាគូនេះ នឹងមានអ្នកសន្លប់មិនខាន។ លោកជ្រើសរើសយក Rodtang ជាអ្នកឈ្នះក្នុងការប្រកួតនេះ៕
កីឡាករ សុខ ធី ប៉ះកីឡាករលំដាប់លេខ១ ថៃ Rodtang នៅក្នុងស្ថាប័នលំដាប់ពិភពលោក ONE Championship នៅ Impact Arena
អត្ថបទទាក់ទង
